સુરતમાં શાકભાજી સાથે એમડી ડ્રગ્સ વેચનારો ઝડપાયો

સુરતમાં શાકભાજીનો વેપાર કરતા શખ્સની એમડી ડ્રગ્સ સાથે ધરપકડ કરવામાં આવી છે. રાંદેર રોડ પરથી પોલીસે ઝડપી પાડ્યો. નઝીલ સૈયદ નામના આરોપીની ધરપકડ કરવામાં આવી છે. મોટર સાયકલ પર પસાર થતાં નઝીલને પોલીસે અટકાવ્યો હતો. જેની તપાસ કરતા 17 ગ્રામ જેટલું એમડી ડ્રગ્સ મળી આવ્યું હતું. ડ્રગ્સ અંગેની પૂછપરછમાં ઉઝેફ શેખ અને શોએબ નામના શખ્સોના નામ બહાર આવ્યા છે. બંને શખ્સોને વોન્ટેડ જાહેર કર્યા હતા. ઝડપાયેલા આરોપી પાસેથી રોકડા રૂપિયા, મોટર સાયકલ, ડ્રગ્સ મળી 95 હજારનો મુદ્દામાલ જપ્ત કર્યો. વધુ તપાસ રાંદેર પોલીસે હાથ ધરી છે.