ઝારખંડ વિધાનસભા ચૂંટણી દરમિયાન લાતેહારમાં ચૂંટણી ફરજ પર તૈનાત CRPF જવાનને ગોળી મારવામાં આવી છે. જવાનની ઓળખ સંતોષ યાદવ તરીકે થઈ છે. ગોળી વાગ્યા બાદ ઘાયલ જવાનને સારવાર માટે મેદિનીરાઈ મેડિકલ કોલેજ અને હોસ્પિટલમાં દાખલ કરવામાં આવ્યો હતો, જ્યાંથી ડોક્ટરોએ વધુ સારવાર માટે રાંચી રીફર કર્યો હતો. ઘાયલ સૈનિકને રાંચીની મોટી હોસ્પિટલમાં એરલિફ્ટ કરવાની તૈયારી ચાલી રહી છે.
વાવ વિધાનસભાની પેટાચૂંટણીનું આજે મતદાન થઇ રહ્યું છે. સવારે 7 વાગ્યાથી લઈને બપોરે 1 વાગ્યાના છ કલાક સુધીમાં 39.12 %વોટિંગ થયું છે
ચૂંટણી પંચ દ્વારા જાહેર કરવામાં આવેલા આંકડા પ્રમાણે ઝારખંડ વિધાનસભા ચૂંટણીના પહેલા તબક્કામાં 1 વાગ્યા સુધીમાં 46.25% મતદાન નોંધાયું છે. સવારે 11 વાગ્યા સુધી 29.31% મતદાન થયું હતું. અત્યાર સુધીમાં ખુંટી જિલ્લામાં સૌથી વધુ 34% અને રામગઢ જિલ્લામાં સૌથી ઓછું 24.17% મતદાન થયું છે.
વડાપ્રધાને ‘X’ પર એક પોસ્ટમાં લખ્યું, “આજે ઝારખંડ વિધાનસભા ચૂંટણીમાં પ્રથમ તબક્કાનું મતદાન થઇ છે. હું તમામ મતદારોને લોકશાહીના આ તહેવારમાં પૂરા ઉત્સાહ સાથે મતદાન કરવા વિનંતી કરું છું. આ પ્રસંગે, હું મારા તમામ યુવા મિત્રોને અભિનંદન આપું છું જેઓ પ્રથમ વખત મતદાન કરવા જઈ રહ્યા છે! યાદ રાખો – પહેલા મતદાન, પછી જલપાન!”
હેમંત સોરેનની પાર્ટી ઝારખંડ મુક્તિ મોરચા (જેએમએમ) તરફથી રાંચીથી ચૂંટણી લડી રહેલા મહુઆ માઝીએ વહેલી સવારે મતદાન કર્યા બાદ કહ્યું, ‘હું દરેકને મને વોટ કરવાની અપીલ કરું છું. હું ઈચ્છું છું કે અહીં વિકાસ થાય. રાંચી રાજધાની જેવી લાગતી નથી અને હું તેને રાજધાની બનાવવા માંગુ છું. મારી પાસે વિવિધ ક્ષેત્રોનો અનુભવ છે
આ પણ વાંચો :-
