બિહારના મુખ્યમંત્રી નીતિશ કુમારે વિધાનસભામાં સેક્સ એજ્યુકેશન પર આપેલા ભાષણને લઈ મોટા સમાચાર સામે આવ્યા છે. વાત જાણે એમ છે કે, ગઈકાલે વિવાદિત નિવેદન આપ્યા બાદ હવે નીતિશ કુમારે કહ્યું કે, મેં મહિલા શિક્ષણની વાત કરી હતી. આ વાત આકસ્મિક રીતે કહી છે, જો કોઈને દુઃખ થયું હોય તો હું માફી માંગુ છું. આ પછી સીએમ નીતિશે ગૃહમાં માફી પણ માંગી લીધી છે. ગૃહમાં બોલતા નીતિશે કહ્યું કે અમે મહિલા શિક્ષણ પર ભાર મુકીએ છીએ. જો મારાથી કોઈને પણ દુઃખ થયું હોય તો હું મારા શબ્દો પાછા લઉં છું. હું મારી જાતને નિંદા કરું છું. હું માત્ર શરમ અનુભવી રહ્યો નથી પરંતુ દુઃખ પણ વ્યક્ત કરી રહ્યો છું. આ દરમિયાન વિપક્ષના ધારાસભ્યોએ ગૃહમાં હોબાળો મચાવ્યો હતો.
બિહારના મુખ્યમંત્રી નીતિશ કુમારે ગૃહમાં નિવેદન આપ્યા બાદ ચારેબાજુથી તેનો વિરોધ શરુ થયો હતો અને પટનાથી લઈને દિલ્હી સુધી હોબાળો મચી ગયો હતો. ભાજપે આ નિવેદનની આકરી ટીકા કરી હતી, જો કે તેજસ્વી યાદવે નીતિશ કુમારનો બચાવ કર્યો હતો ત્યારે હવે નીતીશ કુમારે આજે તેમના નિવેદન પર માફી માંગતા કહ્યું હતું કે ‘મેં માત્ર મહિલા શિક્ષણની વાત કરી હતી, ‘જો મેં કંઈપણ ખોટું કહ્યું હોય તો હું માફી માંગુ છું.
દરમિયાન બુધવારે બિહાર વિધાનસભાની અંદર વિપક્ષી નેતાઓના વિરોધ દરમિયાન સીએમ નીતિશે પોતાનો પક્ષ રજૂ કર્યો હતો. તેણે કહ્યું કે હું મારા શબ્દો પાછા લઉં છું. જો મારા શબ્દોથી લોકોને કોઈ પ્રકારનું દુઃખ થયું હોય તો હું માફી માંગુ છું. મેં જે કહ્યું તે પાછું લઉં છું. મેં શિક્ષણની ભૂમિકા અને વસ્તી નિયંત્રણમાં મહિલાઓની ભૂમિકા સમજાવવા માટે આવી ભાષાનો ઉપયોગ કર્યો
આ પણ વાંચો :-
- ગુજરાતમાં ૧૩૨૭ ડૉક્ટરની અછત, ૫૪૬ ડૉક્ટરોએ છોડી દીધી સરકારી નોકરી, જાણો કેમ
- સુરતના પૂર્વ આઈજી બન્યા CBIમાં જોઈન્ટ ડાયરેક્ટર