આજથી નવા નાણાકીય વર્ષની શરૂઆત થઇ છે, આ સાથે જ ભારતીય અર્થતંત્ર માટે પોઝીટીવ ન્યુઝ મળ્યા છે. આજે મંગળવારે કેન્દ્ર સરકારે ગૂડ્સ એન્ડ સર્વિસ ટેક્સ (GST)ની આવકના આંકડા જાહેર કર્યા છે. અહેવાલ મુજબ માર્ચ મહિનામાં ગ્રોસ GST કલેક્શન 9.9 ટકાનો વધારો નોંધાયો, માર્ચમાં GST હેઠળ સરકારને કુલ રૂ. 1.96 લાખ કરોડની અવાક થઇ.
નોંધનીય છે કે, માર્ચ મહિનો નાણાકીય વર્ષ 2024-25નો છેલ્લો મહિનો હતો. આ મહિના દરમિયાન GST કલેક્શનમાં 9.9 ટકાનો ઉછાળો થયો છે. સરકારી આંકડા મુજબ, માર્ચ મહિના દરમિયાન GST કલેક્શન 9.9 ટકા વધીને 1.96 લાખ કરોડ રૂપિયાથી ઉપર પહોંચી ગયું છે.
સરકારી આંકડા મુજબ સેન્ટ્રલ GST (CGST) કલેક્શન રૂ. 38,100 કરોડ, સ્ટેટ GST (SGST) રૂ. 49,900 કરોડ, ઇન્ટિગ્રેટેડ GST (IGST) રૂ. 95,900 કરોડ રહ્યું છે.
જૂની ટેક્સ વ્યવસ્થાને બદલે, 1 જુલાઈ 2017ના રોજ દેશભરમાં ગુડ્સ એન્ડ સર્વિસ ટેક્સ (GST) લાગુ કરવામાં આવ્યો હતો. આઝાદી પછી દેશમાં આ સૌથી મોટો ટેક્સ સુધારો માનવામાં આવે છે. કેન્દ્ર સરકારના મતે, 7 વર્ષ અગાઉ લાગુ કરાયેલા GSTએ દેશના લોકો પર ટેક્સનો બોજ ઘટાડવામાં મદદ કરી છે.
ફેબ્રુઆરીમાં GST કલેક્શનમાં 9.1 ટકાનો વધારો જોવા મળ્યો, કુલ GST અવાકનો આકડો 1,83,646 કરોડ રૂપિયા સુધી પહોંચ્યો. જાન્યુઆરીમાં GST કલેક્શન 1.96 લાખ કરોડ રૂપિયા પર પહોંચી ગયું, જે ગયા વર્ષના સમાન સમયગાળાની સરખામણીમાં આમાં 12.3% નો વધારો દર્શાવે છે. ડિસેમ્બરમાં GST કલેક્શન રૂ. 1.77 લાખ કરોડ રહ્યું હતું, જે વાર્ષિક ધોરણે 7.3% ની વૃદ્ધિ દર્શાવે છે.
GST એટલે ગુડ્સ અને સર્વિસ ટેક્સ. આન આવવા બાદ તમામ પ્રકારના ટેક્સને નાબૂદ કરવામાં આવ્યા. આમાં બે પ્રકારના ટેક્સનો સમાવેશ થાય છે, જેમાં ડાયરેક્ટ ટેક્સ (Direct Tax) અને ઈનડાયરેક્ટ ટેક્સ (Indirect Tax)નો સમાવેશ થાય છે. અગાઉ રાજ્યો અને કેન્દ્ર સરકારના ટેક્સ અલગ અલગ હતા, પરંતુ GST આવ્યા પછી, ફક્ત એક જ ટેક્સ રહ્યો છે.
