ગુજરાતમાં સારા વરસાદ બાદ હાલમાં થોડા દિવસથી મેઘરાજાએ વિરામ લીધો છે. ખાસ કરીને ઉત્તર ગુજરાત અને મધ્ય ગુજરાતમાં હજુ સીઝનનો લગભગ 50 ટકા જેટલો વરસાદ જ પડ્યો છે. જોકે આ વચ્ચે જાણીતા હવામાન નિષ્ણાંત અંબાલાલ પટેલે વરસાદને લઈને સારી આગાહી કરી છે. તેમના મુજબ ગુજરાતમાંથી હજુ ચોમાસું ગયું નથી અને આગામી દિવસોમાં રાજ્યમાં ફરીથી બે-બે નવી વરસાદી સિસ્ટમ સક્રિય થતા ભારે વરસાદ પડવાનું અનુમાન છે.
હવામાન વિભાગના જણાવ્યા અનુસાર, આગામી ચાર દિવસ રાજ્યમાં હળવાથી મધ્યમ વરસાદની સંભાવના છે. આ સાથે જ બંગાળની ખાડીમાં સર્જાનારા લો પ્રેશર એરિયાની અસર ગુજરાતના કયા ભાગોમાં થશે અને ક્યાં ભારે વરસાદ પડશે તે અંગે માહિતી આપવામાં આવી છે.
આ દરમિયાન ગુજરાતના ભાગોમાં ભારે વરસાદની સંભાવના છે. આમ 20થી 30 ઓગસ્ટ સુધીમાં બે મજબૂત સિસ્ટમ ગુજરાતમાં વરસાદ લાવશે, જેના કારણે ક્યાંક ભારે વરસાદ થવાની શક્યતા છે તો દક્ષિણ ગુજરાતના ભાગોમાં ભારેથી અતિભારે વરસાદ થઈ શકે છે. 21મીએ ભારે વરસાદની આગાહી અને યલો એલર્ટ છે. નવસારી, વલસાડ, દમણ અને દાદરાનગર હવેલીમાં ભારે વરસાદની આગાહી છે. ઉત્તર ગુજરાતના ભાગોમાં સારો વરાદ થઈ શકે છે. જ્યારે સપ્ટેમ્બરની શરૂઆતથી અમદાવાદ-ગાંધીનગરમાં પણ સારો એવો વરસાદ થઈ શકે છે.
આ પણ વાંચો :-
