ગુજરાતમાં અત્યારે ઉનાળો આકરો બની રહ્યો છે. ગુજરાતમાં અત્યારે મહત્તમ તપામાન 40 ડિગ્રી ઉપર ચાલી રહ્યું છે. તો અનેક વિસ્તારો આગની ભઠ્ઠી સમાન બની ગયા છે. હવામાન વિભાગે હજી પણ રાજ્યના મોટાભાગના જિલ્લાઓમાં હીટવેવની આગાહી કરી છે.
અત્યારે ગુજરાતમાં આકાશમાંથી આગ વરસી રહી છે ત્યારે હવામાન વિભાગે આપેલા આંકડા પ્રમાણે રાજકોટ અને સુરેન્દ્રનગરમાં રાજ્યની સૌથી વધારે ગરમી નોંધાઈ છે. રાજકોટમાં 40.6 ડિગ્રી અને સુરેન્દ્રનગરમાં 40.3 ડિગ્રી મહત્તમ તાપમાન નોંધાયું છે.
આ ઉપરાંત હવામાન વિભાગે આજે શુક્રવારે રાજકોટ અને સુરેન્દ્રનગરમાં ગરમીનું ઓરેન્જ એલર્ટ આપ્યું છે. સાથે સાથે બનાસકાંઠા, પાટણ, ગાંધીનગર, અમદાવાદ, આણંદ, વડોદરા, સુરત, પોરબંદર, જૂનાગઢ, અમરેલી, મોરબી અને કચ્છમાં પણ હીટવેવની આગાહી કરી છે.
હવામાન વિભાગના આંકડા પ્રમાણે રાજ્યમાં ગુરુવારે દિવસ દરમિયાન 40.6 ડિગ્રી મહત્તમ તાપમાન નોંધાયું હતું. નીચેના કોષ્ઠકમાં જુઓ ક્યાં કેટલી ગરમી નોંધાઈ
માર્ચ મહિનાની શરૂઆતથી જ દેશના ઘણા ભાગોમાં હવામાન ઝડપથી બદલાઈ રહ્યું છે. આજે 13 માર્ચે, વિવિધ રાજ્યોમાં હવામાનની પેટર્ન બદલાઈ શકે છે. જ્યારે કેટલાક રાજ્યોમાં તેજસ્વી સૂર્યપ્રકાશ અને ગરમીનો અનુભવ થશે, તો કેટલાકમાં વાદળછાયું, વરસાદી અને ભારે પવનનો અનુભવ થઈ શકે છે.
આ પણ વાંચોઃ- અંબાજી મંદિર હવે માઈભક્તો માટે બન્યું ડિજિટલ, અત્યાધુનિક મોબાઈલ એપ કરાઈ લોન્ચ
માર્ચ મહિનાની શરૂઆતથી જ દિલ્હી-એનસીઆરમાં જૂન-જુલાઈ જેવી ગરમીનો અનુભવ થઈ રહ્યો છે. હવામાન વિભાગના જણાવ્યા અનુસાર, ગુરુવાર અત્યાર સુધીનો વર્ષનો સૌથી ગરમ દિવસ રહેવાની ધારણા છે, જેમાં મહત્તમ તાપમાન 36 ડિગ્રી સેલ્સિયસથી વધુ રહેવાની ધારણા છે.
આજે 13 માર્ચે પણ દિલ્હીમાં હવામાન સ્વચ્છ રહેશે. દિવસ દરમિયાન તેજસ્વી સૂર્યપ્રકાશ અને ગરમી ચાલુ રહેશે. મહત્તમ તાપમાન 34 ડિગ્રી સેલ્સિયસ અને લઘુત્તમ 17 ડિગ્રી સેલ્સિયસ રહેવાની ધારણા છે.
