ભારત સરકારના કૌશલ્ય વિકાસ મંત્રાલય દ્વારા આયોજિત પ્રતિષ્ઠિત ‘ભારત કૌશલ્ય સ્પર્ધા 2025-26’ ના વેસ્ટ ઝોન રાઉન્ડમાં ગુજરાતના વિદ્યાર્થીઓએ શાનદાર પ્રદર્શન નોંધાવ્યું છે. પશ્ચિમ ભારતના વિવિધ રાજ્યો જેવાકે ગુજરાત. મહારાષ્ટ્ર, ગોવા, મધ્ય પ્રદેશ અને રાજસ્થાન વચ્ચે યોજાયેલી આ સ્પર્ધામાં ખાસ કરીને ગ્રાફિક્સ અને મીડિયા સેક્ટરમાં રેડ એન્ડ વ્હાઇટ સ્કિલ એજયુકેશનના વિદ્યાર્થીઓએ મેડલ જીતીને ગુજરાત રાજ્યનું ગૌરવ વધાર્યું છે. તેમજ રાજ્ય કક્ષા ની સ્પર્ધા માં રેડ એન્ડ વ્હાઇટ ના ટોટલ 6 વિદ્યાર્થીઓ એવેબ ટેકનોલોજી, ડિજિટલ ઇન્ટરેક્ટિવ મીડિયા, ગ્રાફિક્સ ડિઝાઇન ટેક્નોલોજીસ સ્કિલ ક્ષેત્રે નામ રોશન કર્યું, પ્રથમ ક્રમાંક પર આવ્યા હતા જયદીપ ડેર, દિયા સંતોકી, આયુષ ધોળકિયા તેમજ દ્વિતીય ક્રમાંક પર અમિત ડાભી, વિદિશા ભાગીયા, રાધી મેહતા.
ગ્રાફિક ડિઝાઈન ટેક્નોલોજી વિષયમાં રેડ એન્ડ વ્હાઇટના વિદ્યાર્થી આયુષ ધોળકિયા એ સિલ્વર મેડલ પ્રાપ્ત કર્યો અને તેમને રૂપિયા 50,000 ની સન્માન રકમ એનાયત કરવામાં આવી. ડિજિટલ ઇન્ટરેક્ટિવ મીડિયા કેટેગરીમાં રેડ એન્ડ વ્હાઇટ સ્કિલ એજયુકેશનની વિદ્યાર્થિની વિદિશા ભાગીયા એ બ્રોન્ઝ મેડલ મેળવીને રૂપિયા 25,000 ની સન્માન રકમ પ્રાપ્ત કરી. બંને વિદ્યાર્થીઓને કુલ રૂપિયા 75,000 ની સન્માન રકમ આપવામાં આવી છે.
આ જીત સાથે આયુષ હવે નોઈડા ખાતે યોજાનારી નેશનલ લેવલ સ્પર્ધા માટે ક્વોલિફાય થયા છે. નેશનલ લેવલમાં ગોલ્ડ મેડલ પ્રાપ્ત થાય તો તેમને ચીનના શાંઘાઈ ખાતે યોજાનારી વિશ્વ કૌશલ્ય સ્પર્ધામાં ભારતનું પ્રતિનિધિત્વ કરવાની તક મળશે.
રેડ એન્ડ વ્હાઇટ સ્કિલ એજયુકેશનના ફાઉન્ડર હિતેશકુમાર દેસાઈ તેમજ હસમુખભાઈ રફાળિયા એ જણાવ્યું કે આ પરિણામ ઇન્ડસ્ટ્રી આધારિત પ્રેક્ટિકલ તાલીમની સફળતા દર્શાવે છે અને વિદ્યાર્થીઓને વૈશ્વિક મંચ માટે તૈયાર કરવાનો સંસ્થાનો સંકલ્પ વધુ મજબૂત બનાવે છે.
