HomeGujaratભીષણ ગરમીની ચપેટમાં ગુજરાત, અમદાવાદમાં 43°C સુધી તાપમાન, હવામાન વિભાગની ચેતવણી

ભીષણ ગરમીની ચપેટમાં ગુજરાત, અમદાવાદમાં 43°C સુધી તાપમાન, હવામાન વિભાગની ચેતવણી

Date:

Related stories

મેટા ઓફિસમાં તોડફોડને લઈ ભાજપ-કોંગ્રેસ આમને-સામને, ભાજપે કોંગ્રેસને ગણાવી ‘ગુંડાઓની પાર્ટી’

નવી દિલ્હી/હૈદરાબાદ: સોશિયલ મીડિયા કંપની મેટા (Meta)ની ઓફિસમાં યુથ...

Video : મુંબઈમાં યુવક-યુવતી સાથે મારપીટનો વીડિયો વાયરલ, 8 સગીરો સામે ગુનો નોંધાયો

મુંબઈ: મુંબઈના કુર્લા વિસ્તારમાં યુવક અને યુવતી સાથે મારપીટ...

રાહુલ ગાંધીના નિવેદન પર ભાજપનો પલટવાર, કહ્યું- ભારતને બદનામ કરવા માટે પૈસા આપવામાં આવે છે!

નવી દિલ્હી: લોકસભામાં વિપક્ષના નેતા રાહુલ ગાંધીના વડાપ્રધાન પદને...
spot_img

ગુજરાત રાજ્ય હાલ કાળઝાળ ગરમીના પ્રકોપ હેઠળ છે, જ્યાં અનેક વિસ્તારોમાં તાપમાન સામાન્ય કરતાં ઊંચું નોંધાઈ રહ્યું છે. હવામાન વિભાગ (IMD) દ્વારા આગામી દિવસોમાં ગરમીમાં નોંધપાત્ર વધારો થવાની આગાહી કરવામાં આવી છે, જેને કારણે રાજ્યના નાગરિકોએ સાવચેતી રાખવી પડશે. અમદાવાદ શહેરમાં આગામી 48 કલાકમાં મહત્તમ તાપમાન 43°C સુધી પહોંચવાની સંભાવના વ્યક્ત કરવામાં આવી છે, જેના પગલે હવામાન વિભાગે હીટવેવનું એલર્ટ જાહેર કર્યું છે. આ ઉપરાંત, દરિયાકાંઠાના વિસ્તારોમાં પણ અસહ્ય ઉકળાટ અને બફારાનો અનુભવ થવાની શક્યતા છે.

IMDના જણાવ્યા અનુસાર, આ વર્ષે ગુજરાત, મહારાષ્ટ્ર અને આસપાસના દરિયાકાંઠાના વિસ્તારોમાં ગરમીના દિવસો સામાન્ય કરતાં વધુ રહેશે. આ અસર વર્તાવાની શરૂઆત થઈ ચૂકી છે. વર્તમાન સમયમાં અમદાવાદમાં મહત્તમ તાપમાન 41°C નોંધાયું છે, જે સામાન્ય સરેરાશ કરતાં 0.8°C વધુ છે. રાજ્યના અન્ય શહેરોમાં પણ ગરમીનો પારો ઊંચો છે. અમરેલીમાં 41.1°C, રાજકોટમાં 40.7°C અને સુરેન્દ્રનગરમાં 40.3°C તાપમાન પહોંચી ગયું છે. રાજ્યના અનેક શહેરોમાં તાપમાન 40°Cને પાર કરી ચૂક્યું છે.

આગામી 48 કલાકમાં રાજ્યભરમાં તાપમાનમાં વધુ 2 થી 3°Cનો વધારો થવાની શક્યતા સેવાઈ રહી છે. આ ગરમીનો પ્રકોપ એપ્રિલના અંતિમ સપ્તાહ અને મે મહિના દરમિયાન ચરમસીમાએ પહોંચશે. હવામાન વિભાગે સ્પષ્ટ જણાવ્યું છે કે આ વખતે ગરમી દર વર્ષની સરખામણીએ વધુ અને સામાન્યથી ઉપર રહેશે, ખાસ કરીને પશ્ચિમ ભારતના વિસ્તારોમાં ગરમીનું જોર વધશે. આગામી સમયમાં ગુજરાતના દરેક જિલ્લામાં તાપમાન 40°Cથી ઉપર ચોક્કસ જોવા મળશે.

Subscribe

Latest stories