છેલ્લા પાંચ ટ્રેડિંગ સેશનમાં સોના અને ચાંદીના ભાવમાં તીવ્ર ઘટાડો જોવા મળ્યો છે. છેલ્લા કેટલાક દિવસોથી સોનાની કિંમતમાં સતત ઘટાડો થઈ રહ્યો છે. ઈન્ડિયન બુલિયન એન્ડ જ્વેલર્સ એસોસિએશનના જણાવ્યા અનુસાર 18 જુલાઈથી 24 જુલાઈ સુધી સોનાની કિંમત 4,828 રૂપિયા પ્રતિ 10 ગ્રામ ઘટી છે. આ કિંમત 24 કેરેટ સોનાની છે. એ જ રીતે 18 જુલાઈના રોજ ચાંદીની કિંમત 91,555 રૂપિયા પ્રતિ કિલોગ્રામ હતી, જે 24 જુલાઈના રોજ 84,862 રૂપિયા પ્રતિ કિલોગ્રામ પર પહોંચી ગઈ હતી. આ રીતે ચાંદીના ભાવમાં પણ છેલ્લા પાંચ દિવસમાં 6,693 રૂપિયા પ્રતિ કિલોગ્રામનો ઘટાડો થયો છે.
નિષ્ણાતોના મતે, સોના અને ચાંદીના ભાવમાં તાજેતરના તીવ્ર ઘટાડાનું મુખ્ય કારણ 23 જુલાઈએ રજૂ કરવામાં આવેલા કેન્દ્રીય બજેટ 2024માં કિંમતી ધાતુઓ પરની કસ્ટમ ડ્યુટીમાં ઘટાડો કરવાની જાહેરાત છે. ઓલ બુલિયન એન્ડ જ્વેલર્સ એસોસિએશનના અધ્યક્ષ યોગેશ સિંઘલનું કહેવું છે કે સોનાના ભાવમાં આગામી સમયમાં પણ નરમ વલણ અપનાવવામાં આવશે. જો વિશ્વમાં ચાલી રહેલ તણાવ વધુ ઘટશે તો સોનાના ભાવ વધુ નીચે આવશે. આવી સ્થિતિમાં રોકાણકારોએ ખરીદી કરવી જોઈએ કે નહીં તે અંગે સિંઘલે કહ્યું કે અત્યારે ખરીદી કરવાનો સમય છે.
24 કેરેટ સોનાની કિંમત – ₹69,151 પ્રતિ 10 ગ્રામ
22 કેરેટ સોનાની કિંમત – ₹63,342 પ્રતિ 10 ગ્રામ
ચાંદીની કિંમત – ₹84,862 પ્રતિ કિલો
24 કેરેટ સોનાની કિંમત – ₹73,979 પ્રતિ 10 ગ્રામ
22 કેરેટ સોનાની કિંમત – ₹67,765 પ્રતિ 10 ગ્રામ
ચાંદીની કિંમત – ₹91,555 પ્રતિ કિલો
આ પણ વાંચો :-
