અમદાવાદના કાલુપુર રેવડી બજારમાં આવેલા સિંધી માર્કેટમાં આગ લાગવાની ઘટના બની છે. 30થી વધારે જેટલી દુકાનોમાં આગ લાગી છે. કોલ મળતાં જ ફાયર વિભાગની 9 ગાડીઓ ઘટનાસ્થળે પહોંચી છે. હાલ આગને પગલે અફરાતફરીનો માહોલ સર્જાયો છે.
સિંધી માર્કેટમાં સૌથી વધારે કપડાં સહિત અલગ અલગ ચીજવસ્તુઓની દુકાનો આવેલી છે. જેમાં અત્યારે હાલમાં આગ લાગવાની ઘટના બની છે. ફાયરબ્રિગેડની ટીમ ચારે બાજુથી પાણીનો મારો ચલાવી આગને કાબૂમાં લેવાના પ્રયાસ કરી રહી છે.
આગને પગલે આસપાસના દુકાનદારોમાં ભયનો માહોલ જોવા મળી રહ્યો છે. આગ લાગવાનું કારણ હજુ અકબંધ છે.
