iPhone 17 ની ખરીદી માટે મુંબઈમાં બીકેસી સેન્ટર ખાતે મારામારી

iPhone 17 સીરિઝનો સેલ શરૂ થઈ ગયો છે. 9 સપ્ટેમ્બરના રોજ લોન્ચ થયેલા iPhone 17, iPhone 17 Pro, iPhone 17 Pro Max અને iPhone Air આજથી 19 સપ્ટેમ્બરના રોજ શરૂ થયા હતા. દિલ્હી અને મુંબઈમાં Apple સ્ટોર્સ પર લાંબી કતારો લાગી ગઈ છે, જેમાં મોટી સંખ્યામાં લોકો Appleના લેટેસ્ટ ફોન ખરીદવા માટે પહોંચ્યા હતા.

BKCમાં Apple Store પર ભીડમાંથી કેટલાક લોકોએ મારામારી શરૂ કરી દીધી. આ ઘટનાનો એક વીડિયો સામે આવ્યો છે. મુંબઈના Jio સેન્ટરમાં સ્થિત આ Apple Store પર ભીડ એકઠી થઈ ગઈ હતી. લાઈનમાં ઉભા રહેલા લોકો પોતાના વારાની રાહ જોઈ રહ્યા હતા. આ દરમિયાન કેટલાક લોકોએ મારામારી શરૂ કરી દીધી. જોકે, ઘટનાસ્થળે હાજર સુરક્ષા કર્મચારીઓએ પરિસ્થિતિને કાબૂમાં લીધી અને પરિસ્થિતિને કાબૂમાં લીધી હતી.

iPhone 17 સિરીઝની વિશેષતાઓ
Iphone 17 આ વખતે પાંચ આકર્ષક રંગોમાં ઉપલબ્ધ છે, જેમાં બ્લેક, વ્હાઇટ, લેવેન્ડર, મિસ્ટ બ્લૂ અને સેજ જોવા વેરિયન્ટનો સમાવેશ થાય છે. આ ફોનમાં 6.3 ઇંચનું સુપર રેટિના XDR ડિસ્પ્લે છે, જે 120Hz પ્રોમોશન ટેક્નોલોજી અને 3000 નિટ્સની પીક બ્રાઇટનેસ સાથે લોન્ચ કરવામાં આવ્યો છે.

Iphone 17માં A19 પ્રોસેસર
સ્ક્રીનની સુરક્ષા માટે સિરામિક શિલ્ડ 2નો ઉપયોગ થયો છે. Iphone 17માં A19 પ્રોસેસર છે, જે ઝડપી પરફોર્મન્સ અને સારા બેટરી બેકઅપની ગેરંટી આપે છે. ફોન માં 48MPના ડ્યુઅલ રિયર કેમેરા સાથે એઆઇ ફીચર્સ પણ આપવામાં આવ્યા છે, જે ગ્રૂપ સેલ્ફીમાં ઓટોમેટિક સ્વિચ કરે છે.

Iphone 17 સિરીઝની કિંમત
Iphone 17ની શરૂઆતી કિંમત $799 (અંદાજે ₹82,900) છે, જે પાછલા મોડેલની કિંમત જેટલી જ છે. Iphone એર $999 (અંદાજે ₹1,19,900), જ્યારે Iphone 17 પ્રો $1099 (અંદાજે ₹1,34,900) અને Iphone 17 પ્રો મેક્સ $1199 (અંદાજે ₹1,49,900)થી શરૂ થાય છે. આ ફોન્સ 256GB બેઝ સ્ટોરેજ સાથે આવે છે.