ઝારખંડના બોકારો જિલ્લામાં નક્સલવાદીઓને મોટો ફટકો પડ્યો છે. ઝારખંડ પોલીસ સાથેની ભીષણ અથડામણમાં 8 નક્સલીઓ માર્યા ગયાના સમાચાર છે. પોલીસ મુખ્યાલયમાંથી મળેલી માહિતી અનુસાર, લગભગ 8 મૃતદેહ મળી આવ્યા છે. એવું પણ જાણવા મળ્યું છે કે માર્યા ગયેલા ઘણા નક્સલીઓના માથા પર ઈનામ હતું. આ એન્કાઉન્ટર નક્સલી વિવેકની ટુકડી સાથે થયું હતું, જેના માથા પર 1 કરોડ રૂપિયાનું ઇનામ છે. એન્કાઉન્ટર બાદ મોટી માત્રામાં હથિયારો અને વિસ્ફોટકો પણ મળી આવ્યા હતા.
અહેવાલો અનુસાર, લુગુ પહાડીઓમાં સુરક્ષા દળો અને નક્સલીઓ વચ્ચેની અથડામણમાં ઘણાં અન્ય નક્સલીઓને ઠાર મારવામાં આવ્યા હોવાનું અનુમાન લગાવવામાં આવી રહ્યું છે. સેન્ટ્રલ રિઝર્વ પોલીસ ફોર્સ (CRPF) એ એક નિવેદનમાં જણાવ્યું છે કે, સોમવારે (21મી એપ્રિલ)આજે સવારે ઝારખંડના બોકારો જિલ્લાના લાલપાનિયા વિસ્તારના લુગુ ટેકરીઓ ખાતે રાજ્ય પોલીસ સાથે સંયુક્ત કાર્યવાહીમાં આઠ નક્સલીઓને ઠાર મારવામાં આવ્યા હતા. સૈનિકોએ એક SLR અને એક INSAS રાઇફલ જપ્ત કરી છે. હજુ સુધી કોઈ જવાન ઘાયલ થયાના સમાચાર નથી.
ઝારખંડ પોલીસ અને સુરક્ષા દળો વચ્ચેની આ ભીષણ અથડામણમાં અડધા ડઝનથી વધુ નક્સલીઓ માર્યા ગયા છે. ઝારખંડ પોલીસ મુખ્યાલય પાસેથી મળેલી માહિતી અનુસાર, વિસ્તારમાં નક્સલીઓના એક મોટા જૂથના ફરતા હોવાની માહિતીના આધારે, નક્સલીઓએ ઓપરેશન માટે બહાર ગયેલા સુરક્ષા દળો પર ગોળીબાર કર્યો. જે બાદ, જવાબી હુમલામાં, ઝારખંડ પોલીસ અને કેન્દ્રીય દળોએ નક્સલીઓ સામે ગોળીબાર કર્યો.
