આર.ટી.આઈના નામે શૈક્ષણિક સંસ્થાઓ પાસેથી લાખો રૃપિયાનો તોડ કરનાર મહેન્દ્ર પટેલ સીઆઇડી ક્રાઇમના સકંજામાં છે ત્યારે ભોગ બનનાર શૈક્ષણિક સંસ્થાઓના ટ્રસ્ટીઓની હિંમત ખુલી છે અને તેની સામે લાખો રૃપિયાનો તોડ કરવાની વધુ બે ફરિયાદ દાખલ કરવામાં આવી છે. હાલ આરોપી રિમાન્ડ ઉપર છે ત્યારે આ તોડકાંડનો આંકડો વધવાની શક્યતા પણ જોવામાં આવી રહી છે.
મહેન્દ્ર પટેલે તેના ગુનાની કબૂલાતમાં કેટલાક ચોંકાવનારા ખુલાસાઓ થયા છે. પોલીસ રિમાન્ડ દરમિયાન આરોપીએ રૂપિયા ૪ થી ૫ કરોડનો તોડ કર્યાનું કબૂલ્યું છે. ૫ દિવસના રિમાન્ડ દરમિયાન મહેન્દ્ર પટેલે મૌન તોડતા કેટલાક ચોકાવનારા ખુલાસાઓ સામે આવ્યા છે. એક બે નહીં પરંતુ ૫૦ જેટલી શાળામાં તોડ કર્યો હોવાની કબૂલાત કરી છે. તોડબાજ મહેન્દ્ર પટેલ જ્યુડીશિયલ કસ્ટડીમાં મોકલાયા છે.
રાજ્યમાં શિક્ષણ જગતમાં સૌથી મોટા તોડકાંડનો પર્દાફાશ થયો હતો. જેમાં મહેન્દ્ર પટેલનું નામ સામે આવ્યું હતું. રાજ્યમાં શાળાની મંજૂરી લેવા માટે આ તોડબાઝ મહેન્દ્ર સિંહ અનેક શાળાઓમાં તોડ કરવીને મંજૂરીના નામે પૈસા પડાવ્યા હતા. આ મામલો સામે આવતા ક્રાઈમ બ્રાન્ચ પોલીસે ઘર અને ઓફિસે દરોડા પડ્યા હતા.
પોલીસ તપાસમાં રોકડ અને શંકાસ્પદ દસ્તાવેજો મળી આવ્યા હતા. આ તપાસમાં મહેન્દ્ર પટેલ ૫૦ જેટલી શાળાઓ સાથે સેટિંગ કરી ગેરકાયદેસર રીતે વસૂલાત કર્યાનો ભાંડો ફાટ્યો છે. ૨૮ જાન્યુઆરીએ આ તોડકાંડમાં RTI એક્ટિવિસ્ટ મહેન્દ્ર પટેલ નામના શખ્સની ધરપકડ કરવામાં આવી હતી. હાલ તેમની સઘન પુછપરછ ચાલી રહી છે પૂછપરછમાં તેમણે ૫ કરોડ જેટલી રકમ વસૂલી હોવાનો સામે આવી રહ્યું છે.