સુરત શહેરમાં વધુ એક ગંભીર અકસ્માતની ઘટના સામે આવી છે. હજીરા વિસ્તારમાં બેફામ કાર ચાલકે રસ્તા કિનારે જઈ રહેલા યુવકને અડફેટે લીધો હતો. યુવક રોડની બાજુએ ચાલતો હતો ત્યારે અચાનક ઝડપથી આવતી કારએ તેને જોરદાર ટક્કર મારી હતી. સમગ્ર ઘટના નજીકમાં લાગેલા સીસીટીવી કેમેરામાં કેદ થઈ હતી.
અકસ્માતમાં યુવકને ગંભીર ઇજાઓ પહોંચતા તેને તાત્કાલિક સારવાર માટે હોસ્પિટલ ખસેડવામાં આવ્યો હતો. બનાવને પગલે પોલીસે સીસીટીવીના આધારે ડ્રાઈવર સામે ગુનો દાખલ કરીને કાયદેસરની કાર્યવાહી હાથ ધરી છે.
