મહારાષ્ટ્ર અને ઝારખંડ વિધાનસભા ચૂંટણી માટે આજે મતદાન શરૂ થયું છે. મહારાષ્ટ્રની કુલ 288 બેઠક અને ઝારખંડની 38 બેઠકો માટે મતદાન છે અને ઉમેદવારોના ભાવિ EVM માં સીલ થશે. અહી નોંધનીય છે કે મહારાષ્ટ્ર માટે એક તબક્કામાં ચૂંટણી છે અને ઝારખંડની ચૂંટણી 2 તબક્કામાં છે, જેનું આજે બીજા તબક્કાનું મતદાન છે. બંને રાજ્યોમાં 23 નવેમ્બરે મત ગણતરી હાથ ધરાશે.
ઝારખંડમાં વિધાનસભાની બીજા તબક્કાની ચૂંટણી યોજાઈ રહી છે. પ્રથમ બે કલાકમાં મહારાષ્ટ્રમાં ધીમુ મતદાન થવા પામ્યું છે. સવારના 9 વાગ્યા સુધીમાં 6.61 ટકા અને ઝારખંડમાં 12.71 ટકા મતદાન થયું છે.
મહાયુતિમાં ભાજપ 143 સીટો પર ચૂંટણી લડી રહી છે. શિવસેના (શિંદે) 81 બેઠકો પર, NCP (અજિત પવાર) 59 બેઠકો પર અને અન્ય સાથી પક્ષો છ બેઠકો પર ચૂંટણી લડી રહ્યા છે. એમવીએમાંથી કોંગ્રેસ 101 સીટો પર, શિવસેના (ઉદ્ધવ) 95 અને એનસીપી (શરદ પવાર) 86 સીટો પર ચૂંટણી લડી રહી છે.
આ પણ વાંચો :-
