સુરતમાં છેલ્લા ઘણા સમયથી ડાયમંડ અને ડોલર લઇ જવાના કિસ્સાઓ દિવસેને દિવસે વધી રહ્યા છે. તેવામાં સુરત એરપોર્ટ પરથી DRIએ 6 કરોડના ડાયમંડ સાથે બેની ધરપકડ કરવામાં આવી હોવાના સમાચાર સામે આવી રહ્યા છે. સમગ્ર મામલે DRIએ મોટા વરાછા અને કામરેજના બંને યુવકોની ધરપકડને નાણાં કોણે આપ્યા અને કોને આપવાના હતા તે અંગે પૂછપરછ હાથ ધરવામાં આવી છે.
મળતી માહિતી મુજબ, સુરતથી બેંગકોક લઇ જવાના ફિરાકમાં DRIએ સુરત એરપોર્ટ પરથી 6 કરોડના ડાયમંડ અને 30 હજાર ડોલર લઈ જતા 2 શખ્સોને ઝડપી પાડવામાં આવ્યા છે. છેલ્લા ઘણા સમયથી હવાલાથી વિદેશ નાણા મોકલવાને બદલે ડાયમંડ અને ડોલર લઈ જવાના કિસ્સાઓમાં વધારો થયો છે.
અગાઉ સુરત ઇન્ટરનેશનલ એરપોર્ટ પરથી વિદેશી ચલણની હેરાફેરીનું એક મોટું રેકેટ ઝડપાયું હતું. DRIએ બાતમીના આધારે કાર્યવાહી કરતા પાલ વિસ્તારના એક દંપતીને 1.34 લાખ અમેરિકન ડોલર સાથે ઝડપી પાડ્યું હતા. આ દંપતી સુરતથી દુબઈ જતી ફ્લાઈટમાં સવાર થવાનું હતું, પરંતુ ચેકિંગ દરમિયાન તેમની પાસેથી શંકાસ્પદ રીતે રાખવામાં આવેલા ડોલર મળી આવ્યા હતા.
