રાજયમાં હવે ધીમે ધીમે ઠંડીનું જોર વધતું જોવા મળી રહ્યું છે. ત્યારે વધી રહેલા ઠંડીને ધ્યાનમાં રાખી DEO દ્વારા રાજયની તમામ શાળાઓને મૌખિક સૂચના આપવામાં આવી છે. જેમાં શાળામાં ડ્રેસ કોડ સિવાયના કલરના જેકેટ પહેરીને બાળકોને આવવા દેવાની પણ સૂચના આપવામાં આવી છે.
ઠંડી વધતા જીલ્લા શિક્ષણાધિકારી દ્વારા વિદ્યાર્થીઓને ડ્રેસ કોડ કલર સિવાયના જેકેટ પહેરવાની સૂચના આપવામાં આવી છે. ઘણી શાળાઓ ડ્રેસ કોડ મુજબના સ્વેટર કે ગરમ કપડા પહેરવાનો આગ્રહ રાખતા હોય છે. ત્યારે ઠંડીથી રક્ષણ મળે તે માટે વિદ્યાર્થીઓને કોઈ પણ કલરના ગરમ કપડા પહેરવા દેવા સૂચના આપવામાં આવી છે. જો કે આ સૂચના જિલ્લા શિક્ષણ અધિકારી દ્વારા મૌખિક આપવામાં આવી છે. કોઈ પણ જાતનો પરિપત્ર કરવામાં આવ્યો નથી.
કચ્છ જિલ્લામાં ઠંડી પોતાનું સ્વરૂપ બતાવી રહી છે વહેલી સવારે ભારે ઠંડીથી શાળામાં અભ્યાસ કરતા બાળકોને વધુ અસર જોવા મળી રહી છે જેને ધ્યાને રાખીને શાળાઓના સમયમાં ફેરફાર કરાયો છે. કચ્છની તમામ પ્રાથમિક તેજ માધ્યમિક શાળાઓનો સમય અડધો કલાક સુધી લંબાવાયો છે. કચ્છ જિલ્લા શિક્ષણાધિકારીએ આ અંગે આદેશ આપ્યો છે.
જિલ્લા શિક્ષણાધિકારીએ એક પરિપત્ર જાહેર કર્યો છે. જેમાં લખવામાં આવ્યું છે ઠંડીનું તીવ્રતા વધારે હોઈ તથા આગામી સમયમાં પણ ઠંડીનું પ્રમાણ વધવાની શક્યતાએ વિદ્યાર્થીઓએ શાળામાં આવવા સરળતા રહે તે હેતુથી શાળાનો સમય 30 મિનિટ મોડી કરવા આદેશ આપવામાં આવ્યો છે.
