બોલિવૂડમાં હી-મેનના નામથી પ્રસિદ્ધ હિન્દી સિનેમાના પ્રસિદ્ધ અને દિગ્ગજ અભિનેતા ધર્મેન્દ્રનું નિધન થયું છે. આ દુઃખદ સમાચારથી ફિલ્મ ઈન્ડસ્ટ્રીમાં માતમ છવાયો છે. ધર્મેન્દ્રને છેલ્લા થોડા સમયથી શ્વાસ લેવામાં તકલીફ પડી રહી હતી. બોલિવૂડના હી-મેનને તેમના સૌથી મોટા દીકરા સની દેઓલે મુખાગ્નિ આપી છે અને ધર્મેન્દ્રનો પાર્થિવ દેહ પંચમહાભૂતમાં વિલીન થઈ ચૂક્યો છે.
કરણ જોહરે ભાવનાત્મક શ્રદ્ધાંજલિ આપી
કરણ જોહરે હી-મેનને ભાવનાત્મક શ્રદ્ધાંજલિ આપી છે. તેમણે લખ્યું છે કે આ એક યુગનો અંત છે… એક વિશાળ મેગાસ્ટાર… સિનેમામાં એક હીરોની વ્યાખ્યા… અજોડ આકર્ષણ, ખૂબ જ હેન્ડસમ અને રહસ્યમય સ્ક્રીન પ્રેઝન્સ ધરાવતા અભિનેતા. તેઓ ભારતીય સિનેમા માટે ખરેખર એક દંતકથા સમાન હતા, છે અને હંમેશા રહેશે… તેમનું નામ ઇતિહાસના પાનાઓમાં હંમેશા ચમકશે. પરંતુ સૌથી વધુ તો એ છે કે તેઓ ખરેખર એક ઉમદા માનવી હતા. આપણા ઉદ્યોગમાં દરેક વ્યક્તિ તેમને પ્રેમ કરતી હતી. તેમના હૃદયમાં દરેક માટે ફક્ત પ્રેમ અને સકારાત્મકતા હતી. તેમના આશીર્વાદ, તેમનું આલિંગન, તેમની હૂંફ… શબ્દો તેનું વર્ણન કરી શકાય તેમ નથી. આજે આપણા ઉદ્યોગમાં એક ખાલી જગ્યા બની ગઈ છે, જે કોઈ કાળે ભરી શકાશે નહીં. ધરમજી ફક્ત એક નામ નહોતા, તેઓ એક અહેસાસ હતા… એક વારસો હતા. અમે હંમેશા તમને યાદ કરીશું, સર. આજે સ્વર્ગ ખરેખર ધન્ય છે. તમારી સાથે કામ કરવું મારા માટે હંમેશા એક સૌભાગ્ય રહેશે. મારું હૃદય ફક્ત એટલું જ કહેવા માંગે છે કે સન્માન અને આદર સાથે ઘણો બધો પ્રેમ…અભી ન જાઓ છોડકર…દિલ અભી ભરા નહીં!
કરીના કપૂરે તેના દાદા રાજ કપૂર અને ધર્મેન્દ્રનો એક જૂનો ફોટો શેર કર્યો છે, જેમાં તે એકબીજાને ગળે લગાવી રહ્યા છે. તેણે આ ફોટોને હાર્ટના ઇમોજી સાથે કેપ્શન આપ્યું છે. તેણે લખ્યું છે, ફોર એવર ઈન પાવર અને ચઢદી કળા
