મોકામાં ગેંગવોર કેસમાં બાહુબલી અને ભૂતપૂર્વ સાંસદ અનંત સિંહે પણ સરેન્ડર કર્યું છે. હવે સરેન્ડર પછી તેમણે બેઉર જેલમાં મોકલવામાં આવશે. ત્યારે આજે ફાયરિંગ મામલામાં સોનુ સિંહે પણ સરેન્ડર કર્યું હતું.
બાહુબલી અનંત સિંહે પટના જિલ્લાની બાઢ કોર્ટમાં સરેન્ડર કર્યું છે તેઓ પોતાના સમર્થકો સાથે કોર્ટ પહોંચ્યા હતા. આ મામલામાં સાંસદ પપ્પુ યાદવે નિવેદન આપ્યું છે. પપ્પુ યાદવે કહ્યું છે કે, ” પહેલા ગોળીઓ ચલાવાઈ અને હવે બંને અપરાધીઓ મીડિયામાં ઇંટરવ્યૂ આપી રહ્યા છે. પોલીસ શું કરી રહી છે? સરકાર નામની વસ્તુ બિહારમાં છે કે નહીં? પોલીસો પણ મજા લઈ રહ્યા છે.”
આ પહેલા બુધવારે નૌરંગા ગામમાં મોકામાના પૂર્વ ધારાસભ્ય અનંત સિંહ પર હુમલો થયો હતો. વિરોધીઓએ તેમના અને તેમના સમર્થકો પર ગોળીબાર કર્યો. અનંત સિંહના સમર્થકોએ પણ ગોળીબાર કરીને જવાબી કાર્યવાહી કરી. લગભગ 60-70 રાઉન્ડ ગોળીબાર થયો, જેમાં કેટલાક લોકો ઘાયલ થયા. આ ઘટનાનો એક વીડિયો સોશિયલ મીડિયા પર વાયરલ થઈ રહ્યો છે, જેમાં ફાયરિંગ AK-47 થી કરવામાં આવી રહ્યું હોવાનું કહેવાય છે. પોલીસ આ મામલાની તપાસ કરી રહી છે. આ મામલાનું મૂળ પંચાયત વિવાદ હોવાનું કહેવાય છે, જેમાં અનંત સિંહ ઈંટ ભઠ્ઠા ચલાવનારા સોનુ-મોનુના ઘરે ગયા હતા.
ભૂતપુરબ બાહુબલી સાંસદ અનંત સિંહ અને કુખ્યાત સોનુ-મોનુ વચ્ચે થયેલા ગેંગવોરમાં અનંત સિંહ પર કેસ થયો હતો. ફાયરિંગને લઈને પંચમહાલ પોલીસ સ્ટેશનમાં 3 અલગ -અલગ કેસ દાખલ થયા છે. એસ.પી. વિક્રમ સીહાગે જણાવ્યું કે આ ફાયરિંગ મામલામાં 3 કેસ દાખલ થયા છે.
આ પણ વાંચો :-
