વડાપ્રધાન નરેન્દ્ર મોદીએ ઈન્સ્ટાગ્રામ પર એક વીડિયો પોસ્ટ કર્યો છે, જેમાં તેઓ PM હાઉસમાં એક વાછરડા સાથે જોવા મળી રહ્યા છે. PM મોદી ગાયને ખૂબ પ્રેમથી રમાડી રહ્યા છે. વડાપ્રધાને કહ્યું કે, તેમણે આ નવા વાછરડાનું નામ ‘દીપજ્યોતિ’ રાખ્યું છે.
પીએમ મોદીએ કહ્યું, ‘આપણા શાસ્ત્રોમાં કહેવામાં આવ્યું છે – ગાવ: સર્વસુખ પ્રદા. લોક કલ્યાણ માર્ગ પરના વડાપ્રધાન ગૃહ પરિવારમાં નવા સભ્યનું શુભ આગમન થયું છે. વડાપ્રધાન આવાસમાં પ્રિય માતા ગાયે નવા વાછરડાને જન્મ આપ્યો છે, જેના કપાળ પર પ્રકાશનું નિશાન છે. તેથી, મેં તેનું નામ ‘દીપજ્યોતિ’ રાખ્યું છે. પીએમ મોદીએ તેનો વીડિયો પણ પોસ્ટ કર્યો છે. જેને જોઈને લોકો કોમેન્ટ કરી રહ્યા છે.
પીએમ મોદીએ પોતાની સાથે દીપજ્યોતિની તસવીરો પણ પોસ્ટ કરી છે, જેમાં પીએમ મોદી તેને પ્રેમ કરતા જોવા મળે છે. પીએમ મોદી ઘરના મંદિરમાં દીપજ્યોતિને માળા પહેરાવે છે અને તેને પોતાના ખોળામાં બેસાડીને સ્નેહ કરે છે. દીપજ્યોતિ પણ PMની એટલી નજીક છે, જાણે કે અમે એકબીજાને વર્ષોથી ઓળખીએ છીએ. પીએમ આવાસના ગાર્ડમાં પીએમ મોદી પણ તેમને ફરતા જોવા મળ્યા હતા.
આ પણ વાંચો :-
