ઉદ્યોગપતિ ગૌતમ અદાણી પર અમેરિકામાં રોકાણકારોને છેતરવાનો આરોપ છે, અદાણી પર ભારતીય ઉપખંડમાં સોલાર પ્રોજેક્ટ્સ માટે કોન્ટ્રાક્ટ અને ભંડોળ મેળવવા માટે મોટા પાયે લાંચ આપવાનો આરોપ છે. હવે આ મામલે કોંગ્રેસ નેતા રાહુલ ગાંધીએ અદાણી પર આકરા પ્રહારો કર્યા છે અને તેમની ધરપકડની માંગ કરી છે.
રાહુલ ગાંધીએ વધુમાં કહ્યું કે ‘અદાણીને બચાવામાં આવી રહ્યા છે, આ એક મોટું કામ છે. વધુ એક મોટું કૌભાંડ પ્રકાશમાં આવ્યું છે, આ મુદ્દો ઉઠાવવાની જવાબદારી મારી છે. ભારતના યુવાનોને રોજગાર નથી મળતો, નાના ગુનામાં લોકો જેલમાં જાય છે. પરંતુ અદાણી ગમે તે કરે, તેમને કંઈ થતું નથી. જેપીસી પાસે અમારી માંગ છે કે અદાણીની ધરપકડ થવી જોઈએ. પરંતુ અમે જાણીએ છીએ કે તેની ધરપકડ કરવામાં આવશે નહીં, કારણ કે ભારત સરકાર અદાણીની પાછળ ઉભી છે.
રાહુલ ગાંધીએ કહ્યું કે, ‘તેઓએ અમેરિકામાં ગુનો કર્યો, 2 હજાર કરોડનું કૌભાંડ કર્યું. પરંતુ ભારતમાં અદાણીને કોઈ કંઈ કરી શકે તેમ નથી. અદાણીની ધરપકડ થવી જોઈએ. માધુરી બુચને હટાવી તેની તપાસ થવી જોઈએ. વડાપ્રધાન આ વ્યક્તિને 100 ટકા બચાવી રહ્યા છે. આ લોકો ભાજપને સંપૂર્ણ સમર્થન આપે છે. અમારી JPCની માંગ છે. અમે કહેવા માંગીએ છીએ કે, અદાણીની તાત્કાલિક ધરપકડ થવી જોઈએ.
પાર્ટીના મહાસચિવ જયરામ રમેશે પણ કહ્યું કે તરત જ જેપીસીની રચના થવી જોઈએ. યુએસ પ્રોસિક્યુટર્સે અદાણી,અને તેમના ભત્રીજા સાગર અદાણી પર સોલાર પ્રોજેક્ટ્સ માટે કોન્ટ્રાક્ટ અને ફંડિંગ મેળવવા માટે ભારત સરકારના અધિકારીઓને લાંચ આપવાનો આરોપ મૂક્યો છે. આ કથિત યોજના હેઠળ 2020 થી 2024 દરમિયાન 250 મિલિયન ડોલર (લગભગ 2236 કરોડ રૂપિયા)ની લાંચ આપવામાં આવી હતી.
આ પણ વાંચો :-
