સુરતના માંગરોળ તાલુકામાં ગ્રીષ્મા હત્યાકાંડ જેવી ઘટના સામે આવી છે. માંગરોળના વાંકલ-બોરિયા માર્ગ પર એક યુવકે યુવતીનું ચપ્પુ વડે ગળું કાપી નાખતાં યુવતીનું ઘટનાસ્થળે જ મોત નીપજ્યું છે. ઘટનાને અંજામ આપ્યા બાદ યુવકે પોતે પણ ગળું કાપી નાખ્યું. ગળામાં ત્રણ ઇંચ જેટલો ઘા વાગતાં યુવકની સ્વરપેટી કપાઈ ગઈ છે અને હાલ તેની સારવાર સુરત સિવિલ હોસ્પિટલમાં ચાલી રહી છે.
સુરત જિલ્લાના વાંકલ ગામે પ્રેમ પ્રકરણમાં યુવાને કોલેજમાં અભ્યાસ કરતી યુવતીને ગળાના ભાગે ચાકુના કામ મારી મોતને ઘાટ ઉતારી દીધી હતી તેમજ યુવાને ગળે ચાકુ ફેરવીને પોતે પણ આપઘાતની કોશિશ કરી છે સુરત જિલ્લાના વાંકલ ગામે બોરીયા પાટીયા પાસે આજે સવારે સુરેશ જોગી અને તેજસ્વની ચૌધરી બંને છેલ્લો વર્ષથી પ્રેમ સંબંધ હતો ત્યારે બોરીયા ગામના પાટીયા પાસે યુવતીની હત્યા કરાયેલી મૃતદેહ મળી આવ્યો હતો.
આ સમગ્ર ઘટના બનતાની સાથે યુવકે પણ પોતાની જાતને ઈજા પહોંચાડી હતી અને તેણે પણ તેના ગળાના ભાગે ચપ્પુના ઘા મારી મરવાનો પ્રયત્ન કર્યો હતો.આ સમગ્ર ઘટનામાં યુવકની સ્વરપેટીને નુકસાન પહોંચ્યું છે અને સુરતની સિવિલ હોસ્પિટલમાં તેની સારવાર ચાલી રહી છે.યુવકની હાલમાં કોઈ પૂછપરછ થાય તેવી હાલત નથી તેવું પોલીસનું કહેવું છે.તો યુવતીના મૃતદેહને પીએમ માટે મોકલી આપ્યો છે અને પરિવારના સભ્યોને જાણ કરાઈ છે યુવક નર્મદા જિલ્લાનો રહેવાસી છે.
