સુરતની ફેમીલી કોર્ટમાં ચાલુ કેસે એક આઘાતજનક ઘટના બની છે. વર્ષ 2007થી ચાલી રહેલા ખાધાખોરાકીના કેસનો લોહિયાળ અંજામ આવ્યો હતો. આ ઘટનાને પગલે બંનેને હોસ્પિટલ ખસેડાયા હતા. જેના કારણે સમગ્ર કોર્ટમાં અફલાતફરી મચી ગઈ હતી. જજની સામે બનેલી આ ઘટનાથી તાત્કાલિક આરોપીને કસ્ટડીમાં લેવાયો હતો.
સુરતની ફેમીલી કોર્ટમાં 2007થી ખાધા ખોરાકીનો કેસ ચાલતો હતો. ખાધા ખોરાકીનો કેરા કરનાર આ ડોક્ટર 75 વર્ષના છે અને તેમની પત્ની 61 વર્ષની છે. તેમને સંતાનમાં બે દીકરીઓ છે. અને બંને દીકરીના લગ્ન થઈ ગયા છે. આ કેસ ચાલુ હતો ત્યારે કોર્ટની અંદર જ જજની સામે પહેલા વૃદ્ધે પોતે ઝેરી દવા પી લીધી હતી અને ત્યારબાદ એસિડની બોટલ કાઢી તેની પત્ની માથા ઉપર ફેંક્યું હતું. અને પછી પોતે પણ ત્યા જ ઢળી પડ્યા હતા. જેના પગલે પત્નીની આંખ ડેગ્રેજ થઈ હોવાનું સામે આવ્યું છે.
આ ઘટના સુરત જિલ્લા સેવા સદન, અઠવાલાઇન્સ વિસ્તારમાં આવેલી ફેમિલી કોર્ટમાં બની હતી. આરોપી અને પીડિતા ભરણપોષણ અને વસૂલાતની અરજીની સુનાવણી માટે કોર્ટમાં હાજર હતા. આરોપી આગળની હરોળમાં બેઠો હતો, જ્યારે તેની પત્ની તેની આગળ બેઠી હતી. તેણે પોતે લાવેલી એસિડની બોટલ કાઢી અને તેના પર હુમલો કર્યો. પીડિતાને આંખોની નજીક અને શરીરના અન્ય ભાગોમાં ઈજાઓ થઈ હોવાનું કહેવાય છે. એસિડના કેટલાક ટીપાં તેની આસપાસ બેઠેલા વકીલો પર પણ પડ્યા.
આ અંગે અજરદારના એડવોકેટ મુકેશભાઈ બાંધણીયાએ જણાવ્યું છે કે, ભરણપોષણનો કેસ ચાલી રહ્યો હતો, ત્યારે સામેવાળા પક્ષે એટલે કે મહિલાના પતિએ તેમના પર એસિડ એટેક કરી દીધો હતો. આરોપી પતિનું નામ વિનોદભાઈ છે અને ભોગ બનનાર મહિલાનું નામ શારદાબેન છે. આ ફેમિલી કોર્ટનો તેમનો ઝગડો 2007ની આસપાસથી ચાલી રહ્યો હતો. આરોપી પતિ અગાઉ પણ આ રીતનું કૃત્ય કરી ચૂક્યો છે. તેના પર પોતાની પત્ની પર હત્યાના પ્રયાસનો ગુનો અગાઉ નોંધાયેલો છે.
મહિલાના વકીલના જણાવ્યા મુજબ, કૃષ્ણાબેન જોડે અમે આગળની હરોળમાં બેઠા હતા અને અમારી પાછળ આ જે બેન ઉપર એસિડ-એટેક થયો તે બેઠા હતાં. એમની પાછળ જ તેમના પતિ પણ બેઠા હતા. મહિલાના મોઢા પર એસિડ પડ્યું હતું અને એ બેનની એક તરફની આંખ બંધ થઈ ગઈ હતી. અમને છાંટા ઉડ્યા એટલે જે-તે ટાઈમે થોડી બળતરા થઈ હતી, અત્યારે કંઈ નથી.
