મુંબઈ-નાગપુર એક્સપ્રેસ વે પર અકસ્માત, ૬ લોકોના મોત, ચાર ઈજાગ્રસ્ત

મુંબઈથી લગભગ ૪૦૦ કિલોમીટર દૂર જાલના જિલ્લામાં એક મોટો માર્ગ અકસ્માત થયો છે. ગઈકાલે રાત્રે મુંબઈ-નાગપુર એક્સપ્રેસ વે પર બે કાર વચ્ચેની ભયાનક અથડામણમાં ઓછામાં ઓછા છ લોકોના મોત થયા હતા અને પાંચ ઘાયલ થયા હતા. મૃત્યુઆંક વધી શકે છે. આ અકસ્માત રાત્રે ૧૧ વાગ્યાની આસપાસ થયો હતો જ્યારે એક સ્વિફ્ટ ડિઝાયર કાર ફ્યુઅલ ભર્યા બાદ રોંગ સાઈડથી હાઈવે પર ઘૂસી ગઈ હતી અને નાગપુરથી મુંબઈ જઈ રહેલી અર્ટિગા સાથે અથડાઈ હતી.

બંને વાહનો વચ્ચે ટક્કર એટલી જોરદાર હતી કે અર્ટીગા હવામાં ઉછળીને હાઈવે પરના બેરિકેડ પર પડી હતી અને તેમાં બેઠેલા લોકો કારમાંથી કૂદીને રોડ પર પડી ગયા હતા. બીજી કારનો બુકડો બોલી ગયો હતો. છ લોકોના ઘટનાસ્થળે જ મોત થયા હતા અને તેમના મૃતદેડ હાઈવે પર પડેલા જોવા મળ્યા હતા.

પોલીસે જણાવ્યું હતું કે રાત્રે લગભગ ૧૧ વાગ્યાના અરસામાં સ્વીફ્ટ ડીઝાયર કાર MH.૧૨.MF.૧૮૫૬ ડીઝલ ભરીને વિરુદ્ધ દિશામાં જઈ રહી હતી, ત્યારે નાગપુરથી મુંબઈ જઈ રહેલી Irtica કાર MH.૪૭.BP.૫૪૭૮ને જોરદાર ટક્કર મારી હતી. આ અકસ્માત જાલના વિસ્તારમાં સમૃદ્ધિ હાઇવે પર કડવાંચી ગામ પાસે થયો હતો. ઘટનાની જાણ થતાં જ સમૃદ્ધિ હાઈવે પોલીસ અને તાલુકા જાલના પોલીસ ઘટનાસ્થળે પહોંચી ગઈ હતી અને ક્રેઈનની મદદથી બંને કારને બહાર કાઢીને રસ્તો ટ્રાફિક માટે ખુલ્લો કરાવ્યો હતો.