આમ આદમી પાર્ટીના વડા અરવિંદ કેજરીવાલે ફરી એકવાર નિવેદન આપ્યું છે કે કોંગ્રેસ અને આમ આદમી પાર્ટી એકસાથે લોકસભા ચૂંટણી લડવાની શક્યતાઓ પર સંપૂર્ણપણે પૂર્ણ વિરામ આવી ગયું છે. લોકસભાની ચૂંટણી બાદ વિધાનસભા ચૂંટણીમાં બંને પક્ષો વચ્ચે ગઠબંધન માટે ચર્ચા ચાલી રહી હતી, પરંતુ અરવિંદ કેજરીવાલે કહ્યું છે કે AAP એકલા હાથે ચૂંટણી મેદાનમાં ઉતરશે અને કોઈપણ પ્રકારનું ગઠબંધન થવાનું નથી. દિલ્હી વિધાનસભા ચૂંટણીને લઈને રાજકીય ગરમાવો વધી ગયો છે. AAP, કોંગ્રેસ અને ભાજપે પ્રચાર શરૂ કરી દીધો છે. આમ આદમી પાર્ટીએ ઉમેદવારોની બે યાદી પણ જાહેર કરી છે.
અગાઉ માહિતી મળી હતી કે કોંગ્રેસ અને AAP વચ્ચે ગઠબંધન માટે સમજૂતી અંતિમ તબક્કામાં છે. કોંગ્રેસને 15 બેઠકો મળી શકે છે અને અન્ય INDIA ગઠબંધન સભ્યોને 1 કે 2 બેઠકો મળી શકે છે. બાકીની બેઠકો પર આમ આદમી પાર્ટી પોતે ચૂંટણી લડશે. પરંતુ હવે AAP એ ચિત્ર સ્પષ્ટ કર્યું છે કે આમ આદમી પાર્ટી દિલ્હીમાં એકલા હાથે ચૂંટણી લડશે.
દિલ્હીમાં ગઠબંધનને લઈને INDIAના નેતાઓ વચ્ચે બેઠક થઈ હતી. આ પછી જ બુધવારે કેજરીવાલે એકલા હાથે ચૂંટણી લડવાની જાહેરાત કરી છે. દિલ્હી વિધાનસભા ચૂંટણી માટે તમામ પક્ષોએ તૈયારીઓ તેજ કરી દીધી છે. આમ આદમી પાર્ટીએ સોમવારે તેના 20 ઉમેદવારોની યાદી જાહેર કરી. આ પહેલાં AAPએ તેના 11 ઉમેદવારોની પ્રથમ યાદી જાહેર કરી હતી.
કેજરીવાલનું નિવેદન એવા અહેવાલો પછી આવ્યું છે કે દિલ્હી ચૂંટણી માટે AAP કોંગ્રેસ સાથે સીટ વહેંચણી પર વાતચીતના અંતિમ તબક્કામાં છે. આ પહેલીવાર નથી જ્યારે AAP નેતાએ ગઠબંધનનો ઇનકાર કર્યો હોય.
આ પણ વાંચો :-
