રાજ્ય સરકારના માહિતી વિભાગ અને ઈન્ડિયન રેડક્રોસ સોસાયટી-ગુજરાતના સંયુક્ત ઉપક્રમે સુરતમાં બે દિવસીય ‘ફીટ ઈન્ડીયા, ફીટ મીડિયા’ અંતર્ગત નિ:શુલ્ક હેલ્થ ચેકઅપ કેમ્પ’ યોજાયો હતો.
તા.18-19 ડિસેમ્બર આ બે દિવસ દિવ્યાંગ સ્કૂલ, ડિસેબલ વેલફેર ટ્રસ્ટ, શારદાયતન સ્કૂલની બાજુમાં, ઉમરા ખાતે આયોજિત કેમ્પમાં કુલ 114 મીડિયાકર્મીઓએ લાભ લીધો હતો. હેલ્થ ચેકઅપ કાર્યક્રમમાં બ્લડ કાઉન્ટ, લીવર ફંક્શન, લિપિડ પ્રોફાઈલ, કિડની ફંકશન ટેસ્ટ, સાંધા માટે યુરિક એસિડ ટેસ્ટ, હાડકા માટે કેલ્શિયમ વગેરે ટેસ્ટ, થાઇરોઇડ માટે હાર્મોનલ ટેસ્ટ (TSH). આ ઉપરાંત વિટામિન બી12, વિટામીન ડી3, ડાયાબિટીસ માટેના ટેસ્ટ, 50 થી વધુ ઉંમરના પુરૂષો માટે પ્રોસ્ટેટ ટેસ્ટ, ૩૫ થી વધુ ઉમરના માટે ચેસ્ટ એક્સ રે (PA view) અને ઈસીજી (ECG)ના પરીક્ષણો કરવામાં આવ્યા હતા.
રેડક્રોસના માનદ્દ મંત્રી ડો.મુકેશ જગીવાલા, રેડક્રોસ-સુરત બ્રાંચના ચેરમેન જિગ્નેશ શાહ, નાયબ માહિતી નિયામકશ્રી યુ.બી.બાવીસા, રેડક્રોસ ટીમના ભાવના સારંગ, અભિષેક પરમાર, જલ્પા મિસ્ત્રી સહિત માહિતી વિભાગ અને રેડક્રોસના અધિકારીઓ, પ્રિન્ટ-ઇલેક્ટ્રોનિક મીડિયાના પ્રતિનિધિઓ ઉપસ્થિત રહ્યા હતા.
