સુરતમાં ફરી એકવાર ભીષણ આગ લાગી હતી. આ વખતે સિટી લાઈટ એરિયામાં નવનિર્મિત રુંગટા ઓસ્ટ્રિયા નામની બિલ્ડિંગના પાછળના ભાગમાં આગ લાગી હોવાની જાણકારી સામે આવી હતી. આગ એટલી ભીષણ હતી કે દૂર દૂરથી ધૂમાડાના ગોટેગોટા ઉડતા દેખાઈ રહ્યા હતા. જેના પગલે અફરાતફરીની સ્થિતિ સર્જાઈ હતી. ફાયરબ્રિગેડની પાંચ ગાડીઓએ ઘટનાસ્થળે ધસી આવી આગ ઓલવવાના પ્રયાસ કર્યા હતા.
નવનિર્મિત બિલ્ડિંગમાં ભીષણ આગ ફાટી નીકળી
આ આગની ઘટના અંગે મળતા અહેવાલ મુજબ, શહેરના સિટી લાઈટ એરિયામાં રુંગટા ઓસ્ટ્રિયા નામની નવનિર્મિત બિલ્ડિંગના પાછળના ભાગમાં ભીષણ આગ ફાટી નીકળી છે. આગ એટલી ભયાનક છે કે તેના ધૂમાડાના ગોટેગોટા દૂર સુધી દેખાઈ રહ્યા છે. હાલ આગના બનાવને પગલે વિસ્તારમાં અફરાતફરીનો માહોલ સર્જાયો છે.
ફાયરબ્રિગેડની ગાડીઓએ ઘટનાસ્થળે પહોંચી
આગ લાગવાની જાણ થતાં જ બિલ્ડિંગના આસપાસના વિસ્તારને ખાલી કરવામાં આવ્યો હતો, લોકોનું રેસક્યૂ કરવામાં આવી રહ્યું છે. ફાયરબ્રિગેડની પાંચ ગાડીઓએ ઘટનાસ્થળે પહોંચી ચૂકી છે અને આગ પર કાબૂ મેળવવા પાણીનો મારો ચલાવવામાં આવી રહ્યો છે.
આગ પહેલા નીચેના માળે લાગી હતી પરંતુ થોડી ક્ષણોમાં જ આગે વિકરાળ રુપ ધારણ કરીને આખી ઈમારતને ચપેટમાં લઈ લીધી હતી. બિલ્ડિંગના અનેક માળ આગની ચપેટમાં આવી ચૂક્યા છે, આગ કેવી રીતે લાગી તે હજુ સુધી જાણી શકાયું નથી. હાલ તંત્ર અને પોલીસ ઘટના સ્થળે પહોંચીને કાર્યવાહી કરી રહી છે.
