પલસાણા તાલુકામાં એક આધેડે ચાર વર્ષની બાળકીને હવસનો શિકાર બનાવી હતી. આ ઘટનાને પગલે પોલીસ ફરિયાદ નોંધાવતાં પોલીસે CCTV દ્વારા ગણતરીના કલાકોમાં જ આરોપીની ધરપકડ કરી લીધી હતી.
પ્રાપ્ત માહિતી અનુસાર સુરતના પલસાણા તાલુકા નજીક એક શ્રમજીવી પરિવારની 4 વર્ષની બાળકી રમી રહી હતી, ત્યારે નજીકમાં રહેતો 45 વર્ષનો આધેડ ઇસમ બાળકીને લાડ લડાવવા લાગ્યો હતો. ત્યારબાદ હવસખોર આરોપી બાળકીને અડધો કિલોમીટરના અંતરે આવેલા પોતાના રૂમ પર લઈ ગયો હતો. જ્યાં તેણે બાળકીને પોતાનો હવસનો શિકાર બનાવી હતી. ત્યારબાદ બાળકી લોહીલુહાણ હાલતમાં રડતી રડતી ઘરે પહોંચી હતી.
આ જોઈ શ્રમિક પરિવારના પગ નીચેથી જમીન સરકી ગઈ હતી. પરિવારજનો તાત્કાલિક બાળકીને લઈને કડોદરા પોલીસ સ્ટેશને પહોંચી ફરિયાદ નોંધાવી હતી. પોલીસે ગુનાની ગંભીરતાને ધ્યાને લઈને તાત્કાલિક કાર્યવાહી હાથ ધરી હતી. કડોદરા પોલીસ અને એલસીબીએ સંયુક્ત તપાસ આદરી આસપાસ વિસ્તારના સીસીટીવી ફંફોળવાનું શરુ કર્યું હતું. આ દરમિયાન CCTV ફૂટેજમાં એક આધેડ વયનો ઇસમ બાળકીને લઈ જતો જોવા મળ્યો હતો. જેના આધારે પોલીસે ગણતરીના કલાકોમાં જ આરોપીને દબોચી લઈ કડક પૂછપરછ હાથ ધરી છે.
પોલીસે આરોપી વિરુદ્ધ પોક્સો એક્ટ અંતગર્ત ગુનો દાખલ કર્યો છે. આ ઘટનાના પગલે આખા વિસ્તારમાં સન્નાટો છવાઈ ગયો છે. સ્થાનિકો આરોપી વિરુદ્ધ કડકમાં કડક કાર્યવાહીની માગ કરી રહ્યા છે.
આ પણ વાંચો :-
