અગાઉ તા ૨૭-૦૮-૨૦૨૬ના રોજ સાઉથ ગુજરાત ટેક્ષટાઇલ પ્રોસેસર્સ એસોસીએશનની પ્રેસેસ હાઉસની તત્કાલીન પરિસ્થિતી પર ચર્ચા કરવા માટે સભા મળી હતી, જેમાં વિસ્તૃત ચર્ચા વિચારણા કરવામાં આવી હતી અને ચર્ચાના અંતે પ્રેસેસ હાઉસના સભ્યોની સર્વાનુમતે માંગણી હતી કે પ્રોસેસર્સના જોબ ચાર્જમાં ૧૦ થી ૧૫ ટકા નો ભાવ વધારો કરવો તેમ નક્કી કરવામાં આવેલ હતું.
આજરોજ અગાઉ તા.૨૭-૦૮-૨૦૨૬ના રોજ મળેલ સભાના અનુસંધાનમાં ફરી એક મીટીંગનું આયોજન કરવા સભ્યોનું દબાણ આવતા એક મીટીંગ કરવામાં આવી હતી. મીટીંગમાં એકત્રીત તમામ સભ્યોએ માંગ કરી હતી કે તા:૨૭-૦૮-૨૦૨૬ના રોજ કરેલ ભાવ વધારા પછી આજદિન સુધીમાં કોલસા તેમજ કલર કેમીકલ્સના ભાવમાં ૨૦ થી ૨૫ ટકાનો વધારો થયો છે, માટે આવતા સપ્તાહમાં ફરી મીટીંગ બોલાવી પ્રોસેસના દરમાં ફરીથી ફેરબદલ કરવા નક્કી કરવા માટે સભા બોલાવવાનો નિર્ણય સર્વાનુંમતે કરવામાં આવ્યો હતો.
આજરોજ મળેલ મીટીંગમાં પ્રમુખશ્રી જીતુભાઈ વખારીઆ ઉપરાંત મુખ્ય વક્તાઓમાં શ્રી પ્રમોદભાઈ ચૌધરી, શ્રી મિતુલ મહેતા, શ્રી કમલવિજય તુલસ્યાન, શ્રી મનીષભાઈ અગ્રવાલ, શ્રી શ્યામજી અગ્રવાલ, શ્રી સુરેશભાઈ અગ્રવાલ હાજર રહ્યા હતા અને પોત-પોતાના વિચારો રજુ કર્યા હતા.
