HomeSportsએશિયન ગેમ્સમ: ક્રિકેટમાં ભારતનો પાકિસ્તાન પર ધમાકેદાર વિજય, આટલા રનથી હરાવી જીત્યું...

એશિયન ગેમ્સમ: ક્રિકેટમાં ભારતનો પાકિસ્તાન પર ધમાકેદાર વિજય, આટલા રનથી હરાવી જીત્યું ગોલ્ડ!

Date:

Related stories

મેટા ઓફિસમાં તોડફોડને લઈ ભાજપ-કોંગ્રેસ આમને-સામને, ભાજપે કોંગ્રેસને ગણાવી ‘ગુંડાઓની પાર્ટી’

નવી દિલ્હી/હૈદરાબાદ: સોશિયલ મીડિયા કંપની મેટા (Meta)ની ઓફિસમાં યુથ...

Video : મુંબઈમાં યુવક-યુવતી સાથે મારપીટનો વીડિયો વાયરલ, 8 સગીરો સામે ગુનો નોંધાયો

મુંબઈ: મુંબઈના કુર્લા વિસ્તારમાં યુવક અને યુવતી સાથે મારપીટ...

રાહુલ ગાંધીના નિવેદન પર ભાજપનો પલટવાર, કહ્યું- ભારતને બદનામ કરવા માટે પૈસા આપવામાં આવે છે!

નવી દિલ્હી: લોકસભામાં વિપક્ષના નેતા રાહુલ ગાંધીના વડાપ્રધાન પદને...
spot_img

જાપાનના નિશિનમાં આજે રમાયેલી એશિયન ગેમ્સ 2026ની મેન્સ ક્રિકેટ ફાઇનલમાં ભારત અને પાકિસ્તાન વચ્ચેની ટક્કરે દુનિયાભરના ક્રિકેટ પ્રેમીઓના શ્વાસ અધ્ધર કરી દીધા હતા. ગોલ્ડ મેડલ માટેના આ હાઈ-વોલ્ટેજ મુકાબલામાં ટીમ ઈન્ડિયાએ તેના કટ્ટર હરીફ પાકિસ્તાનને 19 રને હરાવીને ઐતિહાસિક વિજય નોંધાવ્યો છે. રોમાંચની ચરમસીમાએ પહોંચેલી આ મેચના છેલ્લા બોલ સુધી દર્શકોની નજર સ્ક્રીન પર ચોંટેલી રહી હતી. શાનદાર રમતનું પ્રદર્શન કરીને ભારતે 2023માં જીતેલા પોતાના સુવર્ણ ખિતાબનો જાપાનની ધરતી પર સફળતાપૂર્વક બચાવ કર્યો છે.

ભારતીય સુકાની શ્રેયસ અય્યરે ટોસ જીતીને પ્રથમ બેટિંગ કરવાનો સાહસિક નિર્ણય લીધો હતો. શરૂઆતમાં યુવા ખેલાડી વૈભવ સૂર્યવંશીએ 9 બોલમાં 15 રન બનાવીને ટીમને આક્રમક શરૂઆત અપાવી હતી. વહેલી વિકેટો પડ્યા બાદ, અભિષેક શર્માએ મેદાન પર તોફાન મચાવતા માત્ર 28 બોલમાં 61 રનની વિસ્ફોટક ઇનિંગ રમી હતી, જેમાં 7 ગગનચુંબી છગ્ગા સામેલ હતા. અંતિમ ઓવરોમાં તિલક વર્મા (22 બોલમાં અણનમ 51 રન) અને શિવમ દુબે (15 બોલમાં 27 રન) ની આતશી બેટિંગના સહારે ભારતે 20 ઓવરમાં 6 વિકેટના નુકસાને 211 રનનો વિશાળ સ્કોર ખડકી દીધો હતો.

212 રનના તોતિંગ લક્ષ્યાંકનો પીછો કરવા મેદાને ઉતરેલી પાકિસ્તાની ટીમે પણ જીત માટે પૂરી તાકાત લગાવી દીધી હતી. હસન નવાઝ (96 રન) ની આક્રમક બેટિંગને કારણે મેચ એક સમયે અત્યંત રોમાંચક વળાંક પર આવી ગઈ હતી. પરંતુ, ભારતીય બોલરોએ ચુસ્ત બોલિંગ અને સતત વિકેટો ઝડપીને પાકિસ્તાન પર દબાણ બનાવી રાખ્યું હતું. અંતિમ ઓવરમાં પાકિસ્તાનને જીત માટે 33 રનની જરૂર હતી, જે અશક્ય સાબિત થયું હતું. શિવમ દુબેએ મેચના અંતિમ બોલ પર નવાઝને આઉટ કરીને ભારતની ઐતિહાસિક જીત પર મહોર મારી દીધી છે.

અંતે પાકિસ્તાનની ટીમ 20 ઓવરમાં 6 વિકેટે 192 રન જ બનાવી શકી હતી. આ સાથે ભારતે 19 રનથી ભવ્ય વિજય મેળવીને એશિયન ગેમ્સમાં મેન્સ ક્રિકેટનો સુવર્ણચંદ્રક સતત બીજી વખત પોતાના નામે કર્યો છે. ભારત-પાકિસ્તાનની આ હાઈ-વોલ્ટેજ ફાઇનલનો અંત ફરી એકવાર ટીમ ઈન્ડિયાના શાનદાર વિજય સાથે થયો છે.

Subscribe

Latest stories