સુરત, 21 ઓગસ્ટ 2026:
સેન્ટ્રલ બેંક ઓફ ઈન્ડિયા, સુરત રિજને અખિલ ભારતીય સ્તરે ચાલી રહેલા રિટેલ ક્રેડિટ અભિયાન અંતર્ગત 21 ઓગસ્ટ 2026ના રોજ પાયોનિયર વિયોના, સુરત ખાતે ભવ્ય રિટેલ ક્રેડિટ કેમ્પનું આયોજન કર્યું હતું.
કાર્યક્રમની અધ્યક્ષતા સેન્ટ્રલ બેંક ઓફ ઈન્ડિયા, સુરત રિજના રિજનલ હેડ શ્રી નિશાંત કુમાર રંજને કરી હતી. કાર્યક્રમમાં પાયોનિયર વિયોના પ્રોજેક્ટ તરફથી શ્રી મહેન્દ્રજી સહિત સેન્ટ્રલ બેંક ઓફ ઈન્ડિયાની વિવિધ શાખાઓના શાખા પ્રબંધકો, બેંક અધિકારીઓ, પ્રતિષ્ઠિત ગ્રાહકો તેમજ મોટી સંખ્યામાં સંભવિત હોમ બાયર્સ ઉપસ્થિત રહ્યા હતા.
સુરત રિજને છેલ્લા એક મહિનાથી ચલાવેલા રિટેલ ક્રેડિટ અભિયાન દરમિયાન નોંધપાત્ર સિદ્ધિ હાંસલ કરી છે. બેંકે આશરે ₹50 કરોડના રિટેલ લોન પ્રસ્તાવોને મંજૂરી આપી છે. આ ઉપરાંત આશરે ₹80થી ₹90 કરોડની સંભવિત લોન લીડ્સ પણ પ્રાપ્ત થઈ છે, જે વિસ્તારમાં રિટેલ ક્રેડિટ પ્રત્યે ગ્રાહકોનો વધતો વિશ્વાસ અને ઉત્સાહ દર્શાવે છે.
કેમ્પ દરમિયાન બેંક અધિકારીઓએ ગ્રાહકોને ખાસ કરીને હોમ લોનની આકર્ષક વ્યાજદર અને ધિરાણ સુવિધાઓ અંગે માહિતી આપી હતી. બેંક દ્વારા 7.00%ના વ્યાજદરે હોમ લોન ઉપલબ્ધ કરાવવામાં આવતી હોવાની માહિતી આપવામાં આવી હતી. સાથે જ પાત્ર અરજીઓમાં પ્રોજેક્ટ ખર્ચના 90% સુધીનું ધિરાણ બેંક દ્વારા કરવામાં આવી રહ્યું હોવાનું જણાવાયું હતું.
આ સુવિધાઓના કારણે સંભવિત હોમ બાયર્સને પોતાના સપનાનું ઘર ખરીદવા માટે વધુ સારા અને સરળ નાણાકીય વિકલ્પો ઉપલબ્ધ થઈ રહ્યા છે.
આ પ્રસંગે બેંક દ્વારા જેમના લોન પ્રસ્તાવ મંજૂર થયા હતા તેવા ગ્રાહકોને લોન મંજૂરી પત્રો (Sanction Letters) પણ એનાયત કરવામાં આવ્યા હતા.
આ પ્રસંગે સેન્ટ્રલ બેંક ઓફ ઈન્ડિયા, સુરત રિજના રિજનલ હેડ શ્રી નિશાંત કુમાર રંજને જણાવ્યું હતું કે બેંકનો ઉદ્દેશ ગ્રાહકોને તેમની આવાસ અને અન્ય નાણાકીય જરૂરિયાતો માટે સરળ, પારદર્શક અને ગ્રાહકકેન્દ્રિત લોન સુવિધાઓ પૂરી પાડવાનો છે. તેમણે જણાવ્યું હતું કે રિટેલ ક્રેડિટ કેમ્પ જેવા કાર્યક્રમોના માધ્યમથી બેંક ગ્રાહકો સુધી સીધી પહોંચીને તેમની જરૂરિયાતોને સમજવા અને તેમને યોગ્ય નાણાકીય ઉકેલ પૂરો પાડવા માટે પ્રતિબદ્ધ છે.
કેમ્પમાં સંભવિત ગ્રાહકોની ઉત્સાહભરી ભાગીદારી, લોન મંજૂરી પત્રોનું વિતરણ તેમજ બેંક દ્વારા આપવામાં આવતી આકર્ષક હોમ લોન સુવિધાઓએ સુરત વિસ્તારમાં રિટેલ ક્રેડિટની મજબૂત સંભાવનાઓને ઉજાગર કરી છે.
સેન્ટ્રલ બેંક ઓફ ઈન્ડિયા, સુરત રિજને આગામી સમયમાં પણ ગ્રાહકોની જરૂરિયાતોને ધ્યાનમાં રાખીને આવા ગ્રાહકકેન્દ્રિત કાર્યક્રમોના આયોજન પર વિશેષ ભાર મૂકવામાં આવશે.
— સેન્ટ્રલ બેંક ઓફ ઈન્ડિયા, સુરત રીજન
