અમદાવાદના ફતેવાડી વિસ્તારમાં સગીર વયની બાળકીઓ સાથે શારીરિક અડપલાં થયાં હોવાનો મામલો સામે આવ્યો છે. અહેવાલ અનુસાર બાળકીઓની પાડોશમાં રહેતા 2 મુસ્લિમ સગીરે ત્રણ નિર્દોષ બાળકીઓ સાથે આ કુકર્મ આચર્યું હતું. વેજલપુર પોલીસે આ મામલે પોક્સો (POCSO) એક્ટ હેઠળ ગુનો નોંધી તપાસ હાથ ધરી છે.
ઘટનાની વિગતો મુજબ ફ્લેટની ગેલેરીમાં 8 અને 6 વર્ષની બે સગી બહેનો અને તેમની 9 વર્ષની બહેનપણી રમી રહી હતી. આ દરમિયાન પાડોશમાં રહેતા મુસ્લિમ સગીરે બાળકીઓને સંતાકૂકડી રમવાની લાલચ આપી પોતાના ઘરમાં બોલાવી લીધી હતી. ત્યાં લઈ જઈને સગીરે ત્રણેય બાળકીઓનાં કપડાં ઉતારી તેમની સાથે અડપલાં કર્યાં હતાં અને વિરોધ કરતાં જાનથી મારી નાખવાની ધમકી આપી હતી.
આ મામલો ત્યારે સામે આવ્યો જ્યારે ભોગ બનનાર બાળકીઓ અન્ય એક પાડોશીના ઘરે રમવા ગઈ હતી અને ત્યાં તે છોકરાના વખાણ સાંભળીને ભડકી ગઈ હતી. બાળકીઓએ પાડોશીને કહ્યું કે તે છોકરો સારો નથી. પાડોશીએ આ અંગે બાળકીઓની અમ્મીને જાણ કરી, જેથી અમ્મીએ પૂછપરછ કરતા 8 વર્ષની મોટી દીકરીએ રડતા-રડતા આખી આપવીતી કહી દીધી હતી.
પોતાની દીકરીઓ સાથે થયેલાં આ કૃત્યની જાણ થતાં જ પીડિત પરિવારો આરોપી સગીરના ઘરે ઠપકો આપવા પહોંચ્યા હતા. પરંતુ પોતાની ભૂલ સ્વીકારવાને બદલે આરોપી સગીરનો ભાઈ પીડિત પરિવારો પર ઉશ્કેરાઈ ગયો હતો અને જાહેરમાં ધમકીઓ આપવા લાગ્યો હતો.
આરોપી પક્ષની દાદાગીરી જોઈને પીડિત પરિવારે તાત્કાલિક પોલીસ કંટ્રોલ રૂમને ફોન કર્યો હતો. વેજલપુર પોલીસે ઘટનાસ્થળે પહોંચી સ્થિતિ સંભાળી હતી. આ મામલે વેજલપુર પોલીસ સ્ટેશનના પીઆઈ આર. એમ ચૌહાણે ઑપઇન્ડિયાને જણાવ્યું છે કે 2 આરોપીઓ અને 3 પીડિતો પાંચેય સગીર છે અને પીડિત અમ્મીની ફરિયાદના આધારે પોલીસ બંને મુસ્લિમ સગીર આરોપીઓ સામે પોક્સો હેઠળ ગુનો નોંધી આગળની કાર્યવાહી કરી રહી છે.
