સુરતની સચિન GIDCમાં 20 ફૂટ ઊંડાં તળાવમાં ડૂબવાથી 12 વર્ષના બાળકનું મોત

સુરતના સચિન GIDC વિસ્તારમાં દુર્ઘટનાજનક ઘટના સામે આવી છે, જ્યાં 12 વર્ષીય બાળકનું પાણીમાં ડૂબી જવાથી મોત થયું છે. મૂળ બિહારનો રહેવાસી બાળક થર્મોકોલના સહારે પાણીમાં ઉતર્યો હતો, પરંતુ અચાનક થર્મોકોલ તૂટી જતા તે આશરે 20 ફૂટ ઊંડા પાણીમાં ગરકાવ થઈ ગયો હતો. ઘટનાની જાણ થતાં ફાયર વિભાગની ટીમ તાત્કાલિક સ્થળ પર પહોંચી હતી અને ભારે શોધખોળ બાદ બાળકના મૃતદેહને બહાર કાઢ્યો હતો. આ દુર્ઘટનાને પગલે વિસ્તારમાં શોકનો માહોલ છવાઈ ગયો છે.