રાજ્ય પોલીસ વિભાગમાં વહીવટી પ્રક્રિયાના ભાગરૂપે એક મોટો નિર્ણય લેવામાં આવ્યો છે. રાજ્યના ગૃહ વિભાગે 254 બિન-હથિયારી પોલીસ સબ ઇન્સ્પેક્ટર (PSI)ને પોલીસ ઇન્સ્પેક્ટર (PI) વર્ગ-2 ના સંવર્ગમાં બઢતી આપીને તેમના નવા નિમણૂક સ્થળોએ બદલીના હુકમો કરવામાં આવ્યા છે.
સ્થાનિક સ્વરાજયની ચૂંટણી પહેલા રાજય પોલીસ વડાએ બદલીના આદેશ કર્યા છે. ઘણા સમયથી પોલીસ ખાતામાં બદલી માટે પ્રમોશન મેળવેલ અધિકારીઓ રાહ જોઈ રહ્યાં હતા તેમને જે તે જિલ્લામાં બદલી કરવામાં આવી છે.. જોકે આ તમામ પોલીસ ઇન્સ્પેક્ટર પી.એસ.આઇ.માંથી પીઆઇ તરીકે પ્રમોશન મેળવી ચૂક્યા છે અને તેમને જે તે જગ્યા પર જ પ્રમોશન આપીને રાખવામાં આવ્યા હતા. ત્યારબાદ હવે પોસ્ટિંગ આપી દેવામાં આવી છે.
મળતી માહિતી અનુસાર, બઢતી પામેલા અધિકારીઓને પે-મેટ્રિક્સ લેવલ-7 (39,900 – 1,26,600 રૂપિયા) માંથી હવે લેવલ-8 (44,900 – 1,42,400 રૂપિયા) ના પગાર ધોરણમાં મૂકવામાં આવ્યા છે. આ બઢતીઓ હાલ તદ્દન હંગામી ધોરણે આપવામાં આવી છે અને તમામ અધિકારીઓને તેમના નામ સામે દર્શાવેલા કચેરી ખાતે તાત્કાલિક હાજર થવા સૂચના અપાઈ છે.
એસ જી દેસાઈની સીઆઈડી ક્રાઈમથી ગાંધીનગર, જે ડી ઝાલાની જીપીએ કરાઈથી મોરબી, એન આર વાઘેલાની મહેસાણાથી અમદાવાદ શહેર, જે પી જાડેજાની ગાંધીનગરથી અમદાવાદ શહેર, જે બી અગ્રાવતની ઈન્ટેલીજન્સથી અમદાવાદ શહેર, એમ સી પટેલની જુનાગઢથી મહેસાણા, કે વી પટેલની પીટીસી જુનાગઢથી અમદાવાદ ગ્રામ્ય, આર એસ પટેલની જુનાગઢથી અમદાવાદ શહેર, એચ એન પટેલની અમદાવાદ શહેરથી ગાંધીનગર ખાતે બદલી કરવામાં આવી હતી.
અમદાવાદ શહેરના 47 પીઆઇની અન્ય શહેર ,જિલ્લા અને એજન્સીમાં બદલી કરવામાં આવી છે. એક મહિના અગાઉ અમદાવાદ પોલીસ કમિશનરે જે બદલી કરી હતી તેમાંથી પણ કેટલાક પીઆઇની બદલી કરવામાં આવી છે.
