ગુજરાતમાં આજે હવામાન વિભાગ દ્વારા માવઠાની આગાહી કરવામાં આવી છે, 18 થી 20 માર્ચ સુધી વરસાદી માહોલ રહેશે તેવી આગાહી કરવામાં આવી છે અને ગાજવીજ સાથે વરસાદ ભારે પવન ફૂંકાશે તેવી વાત સામે આવી છે.
સાયક્લોનિક સર્ક્યુલેશન સિસ્ટમ સક્રિય થઈ છે અને ઉત્તર ગુજરાત-કચ્છમાં આજે વરસાદની આગાહી કરવામાં આવી છે, બનાસકાંઠા , સાબરકાંઠા, પાટણ, કચ્છ, મોરબી, જામનગર, દ્વારકામાં વરસાદની આગાહી કરવામાં આવી છે, 19, 20 માર્ચે દ.ગુજરાત, સૌરાષ્ટ્રમાં વરસાદનીઆગાહી કરવામાં આવી છે, અને અનેક જિલ્લામાં ગાજવીજ સાથે વરસાદની આગાહી કરવામાં આવી છે.
રાજયમાં ગરમીથી આંશિક રાહત
રાજયમાં મહતમ તાપમાનમાં 1 થી 2 ડિગ્રીનો ઘટાડો થયો છે અને રાજકોટમાં સૌથી વધુ 38 ડિગ્રી તાપમાન નોંધાયું છે, 4 જિલ્લામાં 37 ડિગ્રી તાપમાન નોંધાયું છે, કંડલા, ભુજમાં 37 ડિગ્રી તાપમાન, અમરેલી, સુરેન્દ્રનગરમાં 37 ડિગ્રી તાપમાન અને અમદાવાદ, ડીસા, ગાંધીનગરમાં 36 ડિગ્રી તાપમાન નોંધાયું છે.
ઉત્તર ગુજરાતમાં પણ મોટાભાગના વિસ્તારોમાં દિવસનું મહત્તમ તાપમાન 41 ડિગ્રી આસપાસ નોંધાઈ રહ્યું છે. સોમવારે બનાસકાંઠાના ડીસામાં ગરમીનું યલો એલર્ટ જાહેર કરવામાં આવ્યુ હતું. જ્યારે મંગળવારે હવામાન વિભાગ દ્વારા ઓરેન્જ એલર્ટ જાહેર કરાયુ હતું. સતત બીજા દિવસે પારો 41 ડિગ્રી રહ્યો હતો. મહેસાણા અને સાબરકાંઠા જિલ્લામાં પણ ગરમી વધી હતી. હજુ આગામી દિવસોમાં પણ ઉત્તર ગુજરાતના કેટલાક વિસ્તારોમાં ગરમીનું યલો એલર્ટ જાહેર કરવામાં આવેલ હોય લોકોને આકરી ગરમી સહન કરવી પડશે.
