દક્ષિણ સિનેમાના સુપરસ્ટાર યશે Yash તેના ચાહકોને તેના 40મા જન્મદિવસ પર એક અદ્ભુત ભેટ આપી છે. તેની મચ અવેઈટેડ ગેંગસ્ટર ફિલ્મ Toxicનું પહેલું ટીઝર Toxic’s teaser રિલીઝ થઈ ગયું છે, જેણે સોશિયલ મીડિયા પર સનસનાટી મચાવી દીધી છે. ટીઝરમાં યશ ખૂબ જ હિંસક, ડાર્ક અને બેબાક અંદાજમાં જોવા મળે છે, જે તેની અગાઉની ભૂમિકાઓથી સંપૂર્ણપણે અલગ છે.
ફિલ્મના નિર્માતાઓએ સોશિયલ મીડિયા પર ટીઝર શેર કરતા લખ્યું છે કે તમારા ખતરાને સારી રીતે જાણો- ઈન્ટ્રોડ્યુસિંગ રાયા. ટીઝરની શરૂઆત એક અંતિમ સંસ્કારના દ્રશ્યથી થાય છે, જ્યાં એક પરિવાર ઉતાવળમાં કબ્રસ્તાનમાંથી બહાર નીકળતો જોવા મળે છે. પછી ત્યાં એક કાર આવીને રોકાય છે અને વાર્તા એક રહસ્યમય વળાંક લે છે.
ત્યારબાદ યશનું પાત્ર ઉભરી આવે છે. કાળા ઓવરકોટમાં લપેટાયેલો, રાયા ધુમાડા અને ધુમ્મસ વચ્ચે સિગારેટ પીતો દેખાય છે. બીજી જ ક્ષણે તે બંદૂક ઉપાડે છે અને નિર્દયતાથી ગોળીબાર કરવાનું શરૂ કરે છે. ટીઝરની સૌથી શક્તિશાળી ડાયલોગ ત્યારે આવે છે જ્યારે યશ કહે છે, ડેડી ઈઝ હોમ.
ટીઝર રિલીઝ થતાં જ ચાહકોનો ઉત્સાહ ચરમસીમાએ પહોંચી ગયો. સોશિયલ મીડિયા પર લોકો તેને હોલીવુડ સ્તરની સામગ્રી કહી રહ્યા છે. એક યુઝરે લખ્યું છે કે ટોટલ હોલીવુડ વાઇબ્સ, જ્યારે બીજાએ કહ્યું, સેન્ડલવુડથી ઈન્ટરનેશનલ ફીલ
ફિલ્મ વિશે
ટોક્સિક એક પીરિયડ ગેંગસ્ટર ફિલ્મ છે. જેનું નિર્દેશન ગીતૂ મોહનદાસે કર્યું છે. આ ફિલ્મ KVN પ્રોડક્શન્સ અને યશની કંપની મોન્સ્ટર માઇન્ડ ક્રિએશન્સ દ્વારા સંયુક્ત રીતે બનાવવામાં આવી છે. રસપ્રદ વાત એ છે કે યશે ફિલ્મના કહાણી લેખનમાં ગીતુ મોહનદાસને સાથ પણ આપ્યો છે.
ફિલ્મ ક્યારે રિલીઝ થશે?
યશ ઉપરાંત આ ફિલ્મમાં નયનતારા, કિયારા અડવાણી, તારા સુતારિયા, હુમા કુરેશી, અક્ષય ઓબેરોય, સુદેવ નાયર અને રુક્મિણી વસંત પણ મુખ્ય ભૂમિકામાં છે. ટોક્સિક 19 માર્ચે સિનેમાઘરોમાં રિલીઝ થશે અને એવું માનવામાં આવે છે કે આ ફિલ્મ યશની કરિયરનો એક નવો અને બોલ્ડ અધ્યાય સાબિત થશે.
