વીર નર્મદ દક્ષિણ ગુજરાત યુનિવર્સિટી દ્વારા ડિસેમ્બર-૨૦૨૫ થી જાન્યુઆરી-૨૦૨૬ દરમિયાન બહુવિધ રાષ્ટ્રીય-સાંસ્કૃતિક, શૈક્ષણિક કાર્યક્રમો અને ખેલકૂદ સ્પર્ધાઓ યોજાશે. કુલપતિ ડો.કિશોરસિંહ ચાવડા અને રજિસ્ટ્રાર ડો.આર.સી.ગઢવીએ વિગતો આપતા જણાવ્યું હતું કે, તા. ૧૬ થી ૧૯ ડિસે. દરમિયાન ગર્લ્સ ટેબલટેનિસ ટુર્નામેન્ટ યોજાશે, તા.૨૦ થી ૨૩ ડિસે. દરમિયાન રાણી અબક્કા દેવી પરમો યુવા મહોત્સવ યોજાશે, જેમાં યુવાનોની પ્રતિભા અને સાંસ્કૃતિક અભિવ્યક્તિને વેગ મળશે. જેમાં યુવા છાત્રો વિવિધ સ્પર્ધાઓ અને પ્રસ્તુતિઓ રજૂ કરશે.
તા. ૨૧ થી ૨૭ ડિસે. દરમિયાન સાંસ્કૃતિક અને જનજાતીય સંસ્કૃતિ પ્રદર્શન મેળો યોજાશે, જેમાં જનજાતિ સંસ્કૃતિ, હસ્તકલા, વાનગીઓ અને પરંપરાનો અનોખો સંગમ જોવા મળશે. ગુજરાત ગ્લોબલ એક્સ્પો – એક મેગા એક્ઝિબિશન
૨૨ થી ૨૪ ડિસે. દરમિયાન પરિચિત ફાઉન્ડેશનના સહયોગથી ગુજરાત ગ્લોબલ એક્સ્પો યોજાશે. તા.૨૬ થી ૨૮ ડિસે. દરમિયાન શિક્ષા સંસ્કૃતિ ઉત્થાન ન્યાસ દ્વારા રાષ્ટ્રીય સેમિનારમાં રાષ્ટ્રીય સ્તરના શિક્ષણ, સંસ્કૃતિ અને સંશોધન સંબંધિત વિષયો પર માર્ગદર્શક સત્રો યોજાશે જેમાં નિષ્ણાતોની ઉપસ્થિતિ રહેશે.
તા.૩૧ ડિસે.ના રોજ શ્રી રામમંદિર પ્રાણ પ્રતિષ્ઠા ઉત્સવ દિવસની ઉજવણી કરાશે. તા.૨૯ થી તા.૩૧ જાન્યુ. અને ૧ ફેબ્રુ.૨૦૨૬ ડિસે. દરમિયાન સરદાર વલ્લભભાઈ પટેલ અને ભગવાન બિરસા મુંડા ૫૨મો સ્પોર્ટ્સ ફેસ્ટ યોજાશે.
