સુરત શહેરના ઈચ્છાપોર વિસ્તારમાંથી નવજાત બાળકી મળી આવી છે. જુના કવાસ ક્રિકેટ ગ્રાઉન્ડમાંથી બાળકીનો રડવાનો અવાજ આવતા લોકો દોડી આવ્યા હતા. નવજાત તાજી જન્મેલી બાળકી મળી આવતા સમગ્ર વિસ્તારમાં ચકચાર મચી જવા પામી છે. કોઈ મહિલા દ્વારા પોતાનો પાપ છુપાવવા બાળકી છોડી ગઈ હોવાનું પ્રાથમિક અનુમાન લગાવાઈ રહ્યું છે. ઘટનાની જાણ થતા ઈચ્છાપોર પોલીસ સ્થળે દોડી આવી હતી. બાળકીને સારવાર અર્થે સિવિલ હોસ્પિટલમાં ખસેડવામાં આવી છે.
પ્રાથમિક અનુમાન મુજબ કોઈ અજાણી મહિલાએ પોતાનો “પાપ છુપાવવા” અથવા સામાજિક દબાણને કારણે બાળકીનો ત્યાગ કર્યો હોવાની શંકા વ્યક્ત કરવામાં આવી રહી છે. પોલીસે મામલો ગંભીરતાથી લઈને તપાસ શરૂ કરી દીધી છે. આસપાસના CCTV ફૂટેજ મેળવવાની પ્રક્રિયા ચાલુ છે જેથી બાળકી ને ત્યાં મુકનારની ઓળખ મેળવવામાં સહાય થાય.
ઈચ્છાપોર પોલીસે મહત્વપૂર્ણ જાહેરાત કરતા જણાવ્યું કે, નવજાત બાળકીના માતા-પિતા અથવા તેને ત્યાં મુકનાર વ્યક્તિ વિશે વિશ્વસનીય માહિતી પહોંચાડનારને ₹11,000 નું ઇનામ આપવામાં આવશે. પોલીસ લોકો ને અપીલ કરી રહી છે કે, જો કોઈને આ સંબંધિત કોઈ પણ માહિતી હોય તો તરતજ પોલીસને જાણ કરવી.
