ઇઝરાયેલ-ઈરાન વચ્ચે છેલ્લા 12 દિવસથી ચાલતી ભીષણ યુદ્ધ પર હવે વિરામ લાગી ગયો છે અને બંને દેશો સીઝફાયર (યુદ્ધવિરામ) માટે સંમત થયા છે. અમેરિકાના રાષ્ટ્રપતિ ડોનાલ્ડ ટ્રમ્પે આ અંગે જાહેરાત કરી છે. આ સમાચારના પગલે ક્રૂડ ઓઇલની કિંમતોમાં પણ તીવ્ર ઘટાડો જોવા મળ્યો છે.
આ સ્થિતિ વચ્ચે વૈશ્વિક સ્તરે મળેલા સકારાત્મક સંકેતોને પગલે ભારતીય શેરબજારોએ મંગળવારના રોજ જોરદાર શરૂઆત કરી છે. બજાર ખુલતાની સાથે જ બોમ્બે સ્ટોક એક્સચેન્જનો 30 શેરોનો સંયુક્ત સૂચકાંક સેન્સેક્સ (BSE Sensex) 900થી વધુ અંક ઉછળી ગયો, જ્યારે નેશનલ સ્ટોક એક્સચેન્જનો નિફ્ટી સૂચકાંક (NSE Nifty) પણ 270થી વધુ અંકની તેજી સાથે ખુલ્યો.
એશિયન પેઇન્ટ્સ, ભારતી એરટેલ અને આ બધા શેર વધ્યા
સેન્સેક્સની બાકીની કંપનીઓમાં, એશિયન પેઇન્ટ્સના શેર 1.78 ટકા, મહિન્દ્રા એન્ડ મહિન્દ્રા 1.30 ટકા, ટ્રેન્ટ 1.23 ટકા, ટાટા સ્ટીલ 1.21 ટકા, ઇટરનલ 1.16 ટકા, TCS 1.10 ટકા, SBI 1.09 ટકા, ઇન્ફોસિસ 1.09 ટકા, પાવર ગ્રીડ 1.07 ટકા, L&T 1.06 ટકા, ટાટા મોટર્સ 1.02 ટકા, બજાજ ફિનસર્વ 0.98 ટકા, HCL ટેક 0.95 ટકા અને અલ્ટ્રાટેક સિમેન્ટ 0.85 ટકા વધ્યા.
આ ઉપરાંત, હિન્દુસ્તાન યુનિલિવરના શેર 0.79 ટકા, ટેક મહિન્દ્રા 0.78 ટકા, મારુતિ સુઝુકી 0.77 ટકા, ભારતી એરટેલ 0.77 ટકા, કોટક મહિન્દ્રા બેંક 0.75 ટકા, HDFC બેંક 0.72 ટકા, BEL 0.69 ટકા, રિલાયન્સ 0.67 ટકા, બજાજ ફાઇનાન્સ 0.62 ટકા, ICICI બેંક 0.57 ટકા, એક્સિસ બેંક 0.49 ટકા, ટાઇટન 0.37 ટકા, ITC 0.36 ટકા અને સન ફાર્માના શેર 0.20 ટકા વધ્યા હતા.
વિદેશી બજારો તરફથી મળ્યા સારા સંકેતભારતીય શેરબજાર (Indian Stock Market) માટે તેજી ના સંકેત પહેલેથી જ અમેરિકા થી લઇને એશિયા સુધીના શેરબજારોમાંથી મળી રહ્યા હતા. છેલ્લા વેપાર દિવસે અમેરિકાના શેરબજારો હરિયાળી ઝોનમાં બંધ થયા હતા. ડાઉ જોન્સ (Dow Jones) 374.96 અંકના ઉછાળા સાથે, S&P 0.51 ટકા ના ઉછાળા સાથે અને નાસ્ડેક (Nasdaq) 183.56 અંકના ઉછાળ સાથે બંધ થયા હતા. આ ઉપરાંત મંગળવારે પણ મોટા ભાગના એશિયાઈ શેરબજારોમાં જબરદસ્ત તેજી સાથે વેપારની શરૂઆત થઈ હતી.
એશિયાઈ બજારોની વાત કરીએ, તો પ્રારંભિક વેપારમાં જાપાનનો નિક્કી (Nikkei) 415 અંકના ઉછાળા સાથે 38,769.12 પર ટ્રેડ કરી રહ્યો હતો. ત્યારે હૉંગકૉંગનો હેંગસેંગ (Hang Seng) 423.87 અંકના ઉછાળ સાથે 24,111ના સ્તરે ટ્રેડ થઈ રહ્યો હતો. દક્ષિણ કોરિયાના કોપ્સી સૂચકાંક (KOSPI) પણ 75.78 અંકના ઉછાળ સાથે 3,090.25 પર ટ્રેડ થતો જોવા મળ્યો હતો. આ ઉપરાંત ગિફ્ટ નિફ્ટી (Gift Nifty)માં પણ 200 અંકથી વધુની તેજી જોવા મળી હતી.
