બેંગ્લોરના કેમ્પેગૌડા એરપોર્ટ પર બોમ્બની ધમકીથી ખળભળાટ મચી ગયો. એક અઠવાડિયામાં આ બીજી ધમકી છે. બંને વખત આ ધમકી ખોટી સાબિત થઈ હતી. એક અઠવાડિયામાં બીજી વખત, એરપોર્ટ પર નકલી બોમ્બની ધમકીનો મેઇલ મોકલવામાં આવ્યો છે. એરપોર્ટ સુરક્ષા દળને બોમ્બની ધમકીનો મેઇલ મળ્યો હતો. આ ધમકીભર્યા મેઇલમાં, એક આતંકવાદીએ દાવો કર્યો હતો કે “આતંકવાદી અજમલ કસાબને ફાંસી આપવી ખોટી હતી.” અને આનો બદલો લેવામાં આવશે.
આ મહિનાની 13 અને 16 તારીખે બે બોમ્બ ધમકીભર્યા ઈમેલ મોકલવામાં આવ્યા હતા. બંને ઈમેલમાં બે બોમ્બ મૂકવામાં આવ્યા હોવાની ચેતવણી આપવામાં આવી હતી અને કહેવામાં આવ્યું હતું કે જો પ્લાન A નિષ્ફળ જશે, તો પ્લાન B સક્રિય કરવામાં આવશે. તેમાં એવો પણ દાવો કરવામાં આવ્યો હતો કે એરપોર્ટ ટોયલેટના પ્લમ્બિંગની અંદર બોમ્બ મૂકવામાં આવ્યો છે.
ધમકી મળ્યા બાદ સંપૂર્ણ તપાસ હાથ ધરવામાં આવી હતી અને અધિકારીઓએ તેને બનાવટી જાહેર કરી હતી. જે ઈમેલ આઈડી પરથી બોમ્બ ધમકી મોકલવામાં આવી હતી તેના વિરુદ્ધ કેસ દાખલ કરવામાં આવ્યો છે અને તપાસ ચાલી રહી છે. કેમ્પેગૌડા એરપોર્ટ પોલીસે આ કેસની તપાસ શરૂ કરી દીધી છે.
