જિલ્લા આયોજન અધિકારીની કચેરી દ્વારા સંકલિત અને પ્રાદેશિક માહિતી કચેરી-સુરત દ્વારા સંપાદિત તેમજ જિલ્લા વહીવટી તંત્ર દ્વારા પ્રકાશિત ‘વિકાસ વાટિકા’ પુસ્તિકામાં ‘વિકાસ વાટિકા’ પુસ્તિકામાં વર્ષ 2023-24માં જિલ્લામાં વિવિધ વિભાગો દ્વારા હાથ ધરાયેલા વિવિધ વિકાસ કાર્યો તેમજ સિદ્ધિઓને આલેખવામાં આવ્યા છે. આ ઉપરાંત, સુરત જિલ્લાના સર્વાંગી વિકાસ માટે વિવિધ વિભાગો દ્વારા હાથ ધરાયેલી કામગીરી, સાફલ્યગાથાઓનું વિવરણ, જિલ્લાનો સંક્ષિપ્ત ઈતિહાસ, પ્રવાસન સ્થળો, સાંસ્કૃતિક વિરાસત, વિવિધ વિકાસકામોના લોકાર્પણ/ખાતમુહૂર્ત અને પ્રગતિમાં રહેલા કાર્યો, વડાપ્રધાનશ્રી અને મુખ્યમંત્રીશ્રીના સુરત જિલ્લામાં યોજાયેલા કાર્યક્રમોની સચિત્ર માહિતીનો સમાવેશ કરવામાં આવ્યો છે.
સંયુક્ત માહિતી નિયામકશ્રી અમિત ગઢવી અને જિલ્લા આયોજન અધિકારીશ્રી આર.આર.ભાભોરના માર્ગદર્શનમાં પ્રકાશિત આ પુસ્તિકા સુરત જિલ્લાના પ્રબુદ્ધ નાગરિકો, વિવિધ ક્ષેત્રના અભ્યાસુઓ માટે ખૂબ જ ઉપયોગી પ્રકાશન તેમજ સંદર્ભગ્રંથ બની રહેશે.
