સુરતમાં ટ્રકે આતંક મચાવ્યો હોવાની ઘટના સામે આવી છે. અહીં નવા ગામ બ્રિજ પાસે માંતેલા સાંઢની માફક ટ્રકે પોલીસવાન, બોલેરો અને ટ્રેલરને અડફેટે લીધા હતા. આ ઘટનામાં ચાર લોકો ઈજાગ્રસ્ત થયા હતા. જ્યારે એકનું મોત નીપજ્યું હતું. બોલેરો ચાલકની ગંભીર ઈજાઓ થતાં તેનું મોત નીપજ્યું હતું. જ્યારે બે પોલીસ કર્મચારીઓ ઘાયલ થતાં સારવાર અર્થે હોસ્પિટલ ખસેડવામાં આવ્યા હતા. પોલીસ ટ્રક ચાલક વિરુદ્ધ ગુનો નોંધી આગળની કામગીરી હાથધરી હતી.
પાલનપુર જકાત નાકા વિસ્તારમાં ટ્રક પાર્ક કરવામાં આવ્યો હતો. ટ્રકના ચાલકના કહેવા મુજબ, રાત્રિના સમયમાં અજાણી ઓળખનો એક યુવક ટ્રકના પાછળના ટાયર નજીક સૂઈ ગયો હતો. વહેલી સવારે ટ્રક સ્ટાર્ટ કરીને આગળ ધપાવતાં પાછળના ટાયર યુવકના માથા પર ફરી વળ્યું, જેના કારણે તેનું ઘટનાસ્થળે જ કરૂણ મૃત્યુ થયું છે.
