અમદાવાદના ચાંગોદરમાં 7 વર્ષીય છોકરીની હત્યાના આરોપીની પોલીસે ધરપકડ કરી છે. ચાંગોદર પોલીસે હત્યારા સુધી પહોંચવા માટે FSL અને ડોગ સ્ક્વોડની પણ મદદ લીધી હતી. ડોગ સ્ક્વોડના ઓરિયો નામના કૂતરાએ પોલીસને માત્ર 14 કલાકમાં હત્યારા સુધી પહોંચવામાં મહત્ત્વપૂર્ણ ભૂમિકા ભજવી હતી.
ચાંગોદર પોલીસે જણાવ્યું કે, હત્યારા સુધી પહોંચવા માટે 6 ટીમો બનાવવામાં આવી હતી અને 40થી વધુ CCTV ફૂટેજની તપાસ કરવામાં આવી હતી. બાવળા-સરખેજ હાઈવે પર રસમધુર કંપનીની જગ્યામાં પાતરાના શેડમાં રહેતા 100થી વધુ કામદારોની અટકાયત કરીને પૂછપરછ કરવામાં આવી હતી. FSL સાથે ડોગ સ્ક્વોડ ટીમ પણ તપાસમાં જોડાઈ હતી. ત્યારબાદમાં, ડોગ સ્ક્વોડના ઓરિયો નામના શ્વાને છોકરી પાસે મળેલા એક કાપડની ગંધની મદદથી પોલીસને 30 વર્ષીય આરોપી રવિન્દ્ર મોજિસાવ સુધી પહોંચાડવામાં મહત્ત્વની ભૂમિકા ભજવી હતી. જ્યારે ઓરિયોએ જ્યારે પોલીસને રવિન્દ્ર પાસે પહોંચાડી તો તે પોલીસના સવાલોથી પોતાને બચાવી ન શક્યો અને તેણે પોતે જ છોકરીની હત્યા કર્યાની કબૂલાત કરી.
આરોપી રવિન્દ્ર મૂળ બિહારના ગયાનો રહેવાસી છે. રવિન્દ્ર 2 મહિના અગાઉ જ અમદાવાદ આવ્યો હતો. આરોપી રવિન્દ્રનો પરિવાર બિહારના ગયામાં રહે છે. રવિન્દ્ર અમદાવાદ આવ્યો અને મજૂર તરીકે કામ જ કરતો હતો. આરોપીએ 7 એપ્રિલના રોજ છોકરીની હત્યા કરી હતી. આ અગાઉ, તેણે પોતાના ઘરની નજીક છોકરીને એકલી રમતી જોઈ, તો છોકરીને બિસ્કિટ આપવાના બહાને, તેણે છોકરીને પોતાની પાસે બોલાવી અને તેના પર બળાત્કાર કરવાનો પ્રયાસ કર્યો. પરંતુ જ્યારે છોકરી રડવા લાગી અને ચીસો પાડવા લાગી, ત્યારે રવિન્દ્ર ડરી ગયો અને તેણે માસૂમ છોકરીના માથા પર ઈંટ મારીને તેની હત્યા કરી દીધી હતી.
