1 એપ્રિલથી હોટલમાં રોકાવું અને જમવા માટે વધારે રૂપિયા ચૂકવવા પડશે. ન્ટ્રલ બોર્ડ ઓફ ઇનડાયરેક્ટ ટેક્સિસ એન્ડ કસ્ટમ્સ (CBIC) એ કહ્યુંકે, એક નાણાકીય વર્ષમાં કોઇ પણ સમયે દૈનિક 7500 રૂપિયા થી વધારે રૂમ ભાડું વસૂલનાર હોટલને આગામી વર્થ માટે સ્પેસિફાઇડ પરિસર માનવામાં આવશે. આવા પરિસરની અંદર જ આપવામાં આવતી રેસ્ટોરન્ટ સર્વિસ પર ઇનપુટ ટેક્સ ક્રેડિટ સાથે 18 ટકા જીએસટી લાગુ પડશે. 1 એપ્રિલ, 2025થી આવા રેસ્ટોરેન્ટ જે હોટેલની અંદર ચાલે છે, તેની ટેક્સેબિલિટી ટ્રાન્ઝેક્શનલ વેલ્યૂ કે સપ્લાયની વેલ્યૂ પર આધારિત હશે.
તે હાલના ડિક્લેયર્ડ ટેરિફ સિસ્ટમનું સ્થાન લેશે. ડિક્લેયર્ડ ટેરિફ સિસ્ટમમાં રહેવા માટે ભાડા પર આવેલી જગ્યા પર આવપામાં આવતી તમામ સુવિધા માટે ચાર્જિસ સામેલ છે, જેમ કે ફર્નિચર, એસી, રિફ્રિજરેટ કે અન્ય સુવિધાઓ. CBIC સ્પેસિફાઇડ પરિસરમાં આપવામાં આવતી રેસ્ટોરેન્ટ્સ સર્વિસ ટોપિક પર જારી કરેલા FAQ માં આ વાત જણાવી છે.
CBIC મુજબ, રેસ્ટોરેન્ટ સર્વિસ ધરાવતી આવી હોટેલ જેનું રૂમ ભાડું પાછલા વર્ષમાં 7500 રૂપિયા દૈનિકથી વધારે હતું, તેની અંદર આપવામાં આવતી રેસ્ટોરેન્ટ સર્વિસ પર ઇનપુટ ટેક્સ ક્રેડિટ સાતે 18 ટકા જીએસટી લાગુ થશે. અલબત્ત એવી હોટેલ જેનું રૂમ ભાડું પાછલા વર્ષમાં 7500 રૂપિયાથી વધારે નથી, તેની અંદર રેસ્ટોરેન્ટ સર્વિસ પર ઇનપુટ ટેક્સ ક્રેડિટ વગર 5 ટકા જીએસટા લાગુ થશે.
