સુરત શહેરમાં ગેરકાયદેસર ગેસ રિફલીંગની પ્રવુતિ આચરતા ઈસમો સામે પોલીસે કાર્યવાહી કરી છે. સચિન જીઆઈડીસી પોલીસે અલગ અલગ જગ્યાઓ પર રેડ કરીને કુલ 8 ગુના દાખલ કરી કાયદેસરની કાર્યવાહી હાથ ધરી છે.
મળતી માહિતી મુજબ સુરત શહેરમાં સચિન જીઆઈડીસી વિસ્તારમાં ઘણી બધી અલગ અલગ જગ્યાઓએ ગેસ સર્વિસ દુકાનની આડમાં ગેસના બોટલમાંથી બીજા બાટલામાં ગેસ રિફલીંગ કરવાની પ્રવ્રુતિ ચોરી છુપેથી કરી લોકોની જાનમાલને નુકશાન થાય તે રીતેનું બેદરકારી ભર્યું આચરણ કરી ગુનાહિત પ્રવુતિ કરતા હોવાનું પોલીસના ધ્યાને આવ્યું હતું જેને લઈને સચિન જીઆઈડીસી પોલીસે અલગ અલગ 4 ટીમો બનાવીને એક સાથે સચિન જીઆઇડીસી પોલીસ મથકની ડદમાં અલગ અલગ કુલ 8 જગ્યાઓ પર રેડ કરી હતી અને 8 દુકાનદારોને રેડ હેડ ગેસના બોટલોમાંથી બીજા બાટલામાં ગેસ રિફલીંગ કરતા ઝડપી પાડયા હતા
પોલીસે 8 દુકાનદારો પાસેથી અલગ અલગ કંપનીના નાના મોટા ભરેલા તથા ખાલી ગેસના બાટલાઓ મળી કુલ્લે 52 નંગ તથા ગેસ રિફલીંગનું મશીન નળી સાથે નંગ -08, તથા ઇલેક્ટ્રિક વજન કાંટા – 08, ગેસ ભરવાનો વાલ નંગ -08 મળીને કુલ્લે 1,0,7,750 રૂપિયાનો મુદામાલ તપાસ અર્થે કબજે કર્યો હતો અને પકડાયેલા આઠેય ઈસમો વિરુદ્ધમાં અલગ અલગ 8 ગુના દાખલ કરીને કાયદેસરની કાર્યવાડી હાથ ધરી હતી.
ઝડપાયેલા આરોપીઓ:
ઘનશ્યામકુમાર દુલારચંદ સિંગ (ઉ. 32)
સતીષકુમાર રામકિશોર શાડુ (ઉ. 25)
મુલચંદ શોહનલાલ ખટીક (ઉ. 25)
સરવનકુમાર શ્યામબાબુ શાહુ (ઉ. 24)
પવનકુમાર સમરતલાલ જૈન (ઉ. 46)
નારાયણ મગનાખારોલ (ઉ. 24)
રમણકુમાર જયકુમાર ભગત (ઉ. 31)
શભુમ ગોવિંદ પાત્રા (ઉ. 19)
કાયદેસરની કાર્યવાહી:
પોલીસે પકડાયેલા તમામ 8 દુકાનદારો સામે અલગ અલગ 8 ગુના દાખલ કર્યા છે અને કાયદેસરની કાર્યવાહી શરૂ કરી છે.
