સંજય દત્તની આગામી હોરર ફિલ્મ ધ ભૂતની ટીઝર રિલીઝ થઈ ગયું છે. આ ફિલ્મનું નિર્દેશન સિદ્ધાંત સચદેવ દ્વારા કરવામાં આવ્યું છે, જેમાં અભિનેત્રી મોની રોય ભૂતના ડરામણા પાત્રમાં જોવા મળી રહી છે. ફિલ્મનું ટીઝર જોયા પછી ચાહકો ખૂબ જ ખુશ અને ઉત્સાહિત દેખાઈ રહ્યા છે.
ધ ભૂતની ટીઝર સંજય દત્તે પોતાના ઇન્સ્ટાગ્રામ પર પોસ્ટ કરીને ફિલ્મ રિલીઝની જાહેરાત કરી હતી. પોસ્ટના કેપ્શનમાં તેણે લખ્યું, “આ ગુડ ફ્રાઈડે, ભયને એક નવી તારીખ મળી છે. ક્યારેય ન જોયેલી હોરર, એક્શન અને કોમેડી ફિલ્મ માટે તૈયાર થઈ જાઓ. 18 ફેબ્રુઆરીએ, ભૂત તબાહી મચાવશે.”
ધ ભૂતની ફિલ્મનું ૧ મિનિટ ૧૧ સેકન્ડનું ટીઝર જોયા પછી, ફિલ્મ વિશે કંઈ સ્પષ્ટ રીતે સમજાયું નથી, પરંતુ તેમ છતાં તે ખૂબ જ રસપ્રદ લાગે છે. ટીઝરની શરૂઆતમાં સંજય દત્તનો અવાજ સંભળાય છે, જેમાં તે ભગવાન શિવના શ્લોકો વાંચી રહ્યા છે. તે પછી, સંગીતની સાથે મોની રોયની ડરામણી આંખો પણ દેખાય છે. ટીઝરના અંતે સંજય દત્ત બંને હાથમાં તલવાર લઈને ભૂત સાથે લડતો જોવા મળે છે.
ફિલ્મના ટીઝરમાં સંજય દત્તના લુકને જોઈને ચાહકો ખૂબ ઉત્સાહત છે આ ફિલ્મ માટે , એક ચાહકે લખ્યું, “સંજય દત્ત ખૂબ જ હેન્ડસમ લાગે છે,” જ્યારે બીજા ચાહકે તેમની ઉપર પ્રેમ વરસાવીને લખ્યું , “જય ભગવાન શંકર, જાન સંજય દત્ત!”
ફિલ્મ ‘ધ ભૂતની’ ઉપરાંત, સંજય દત્ત ટૂંક સમયમાં ‘બાગી 4’ અને ‘હાઉસફુલ 5’ જેવા મોટા પ્રોજેક્ટ્સમાં પણ જોવા મળશે. ‘હાઉસફુલ 5’ એક મલ્ટીસ્ટારર ફિલ્મ છે, જેમાં સંજય દત્ત સાથે અન્ય જાણીતા કલાકારો પણ હોઈ શકે છે.
ફિલ્મ નિર્માતાઓએ ફિલ્મના ટીઝરની સાથે રિલીઝ તારીખ પણ જાહેર કરી છે. આ ફિલ્મ ગુડ ફ્રાઈડે એટલે કે 18 એપ્રિલના રોજ સિનેમાઘરોમાં રિલીઝ થશે. ફિલ્મમાં સંજય દત્ત ઉપરાંત મૌની રોય, સની સિંહ, પલક તિવારી, આસિફ ખાન અને બ્યુનિક પણ મહત્વપૂર્ણ ભૂમિકામાં જોવા મળશે.
