વડોદરા શહેરના જેતલપુર બ્રિજ પાસે રોડ સાઈડમાં કાર અઠવાડિયા પછી નશો કરેલી હાલતમાં નાયબ મામલતદાર મળી આવતા અકોટા પોલીસે તેની ધરપકડ કરી કાયદેસરની કાર્યવાહી હાથ ધરી હતી. જ્યારે આજે જિલ્લા કલેકટરે પાદરાના નાયબ મામલતદાર નરેશ વણકરને ફરજ મોકૂફ કરવાનો નિર્ણય કર્યો હતો.
વડોદરા શહેરમાં એક તરફ લોકો ઉતરાયણની ઉજવણી કરી રહ્યા હતા. તો બીજી તરફ ડેપ્યુટી મામલતદારે અકસ્માત સર્જ્યો હતો. નશો કરેલી હાલતમાં કાર ચલાવીને અકસ્માતને અંજામ આપ્યો હતો મળતી માહિતી અનુસાર પાદરાના નાયબ મામલતદાર નરેશ વણકરે નશો કરેલી હાલતમાં ગાડી હંકારીને જેતલપુર બ્રિજ પાસે રોડ સાઈડમાં કાર અથડાયા પછી નશાની હાલતમાં મળી આવ્યો હતો.
આ બનાવ અંગેની જાણ પોલીસ કંટ્રોલ રૂમમાં કરવામાં આવતા અકોટા પોલીસ ઘટના સ્થળે પહોંચી હતી અને નાયબ મામલતદાર નરેશ વણકરની ધરપકડ કરી હતી. ત્યારે જાહેર સેવકને શોભે નહીં એવું વર્તન કરવા બદલ પાદરાના નાયબ મામલતદાર નરેશ વણકરને ફરજ મોકૂફ કરવાનો વડોદરા જિલ્લા કલેકટર દ્વારા નિર્ણય લેવાયો હતો.
આ પણ વાંચો :-
