કોમ્પિટિશન કમિશન ઓફ ઈન્ડિયાએ સોમવારે સોશિયલ મીડિયા કંપની Meta ને રૂ. 213.14 કરોડનો દંડ ફટકાર્યો છે. આ દંડ 2021 માં WhatsApp પ્રાઇવેસી અપડેટના સંબંધમાં અયોગ્ય વ્યવસાય પદ્ધતિઓ અપનાવવા બદલ લાદવામાં આવ્યો હતો. વધુમાં, CCIએ મેટાને સ્પર્ધા વિરોધી વર્તણૂક બંધ કરવા અને દૂર રહેવા નિર્દેશ આપ્યો છે.
એક આદેશમાં જણાવાયું છે કોમ્પિટિશન કમિશને સોમવારે મેટાને તેના વર્ચસ્વનો દુરુપયોગ કરવા બદલ રૂ. 213.14 કરોડનો દંડ ફટકાર્યો હતો. CCI વર્ચસ્વનો દુરુપયોગ કરવા સામે આદેશ પસાર કરતી વખતે જણાવ્યું હતું કે આ દંડ WhatsAppએ તેની 2021 ગોપનીયતા નીતિને કેવી રીતે અમલમાં મૂક્યો, તેણે કેવી રીતે વપરાશકર્તાનો ડેટા એકત્રિત કર્યો અને તેને બજારમાં અન્ય કંપનીઓ સાથે શેર કર્યો તેનાથી સંબંધિત છે.
CCI અનુસાર, 2021 માં કરવામાં આવેલ WhatsAppનું આ અપડેટ એક ગેરકાયદેસર શરત હતું, જેમાં મેટા સાથે ડેટા શેર કરવા માટે વપરાશકર્તાઓની સંમતિ લેવી ફરજિયાત હતી. કમિશને એમ પણ કહ્યું કે વોટ્સએપના આ અપડેટથી યુઝર્સની સ્વતંત્રતા મર્યાદિત થઈ ગઈ છે, કારણ કે યુઝર્સ પાસે ડેટા શેર ન કરવાનો વિકલ્પ નથી. CCI માને છે કે આ અપડેટે મેટાને તેની એકાધિકારનો લાભ લેવાની તક આપી.
WhatsAppની 2021 ગોપનીયતા નીતિની વૈશ્વિક સ્તરે ટીકા થઈ હતી. બ્રાઝિલમાં પણ ઓગસ્ટ 2024માં WhatsAppને ફેસબુક અને ઈન્સ્ટાગ્રામ સાથે ડેટા શેર કરવાથી રોકી દેવામાં આવ્યું હતું. મેટાએ CCIના નિર્ણય સામે અપીલ કરવાનો નિર્ણય લીધો છે. મેટાના પ્રવક્તાએ જણાવ્યું હતું કે, “અમે CCIના નિર્ણય સાથે અસંમત છીએ અને અપીલ કરીશું. 2021ના અપડેટથી વ્યક્તિગત સંદેશાઓની ગોપનીયતામાં કોઈ ફેરફાર થયો નથી અને તે વપરાશકર્તાઓ માટે એક વિકલ્પ હતો. CCIએ માર્ચ 2021માં આ બાબતે એક સલાહકાર અભિપ્રાય બહાર પાડ્યો હતો. તપાસ શરૂ કરવામાં આવી હતી. જ્યારે WhatsApp અને મેટાએ દિલ્હી હાઈકોર્ટમાં આ અંગે અરજી દાખલ કરી હતી.
આ પણ વાંચો :-
