સલમાન ખાન અને શાહરૂખ ખાન બાદ હવે ફિલ્મ અભિનેતા મિથુન ચક્રવર્તીને પણ ધમકીઓ મળવા લાગી છે. હાલમાં સોશિયલ મીડિયા પર એક વીડિયો સામે આવ્યો છે જેમાં દુબઈમાં બેઠેલા એક પાકિસ્તાની ડોને મિથુનને ધમકી આપી છે. પાકિસ્તાની ડોન શહજાદ ભટ્ટીએ એક વીડિયો જાહેર કર્યો છે જેમાં તમને માફી માંગવાનું કહેવામાં આવ્યું છે.
ગયા મહિને મિથુન ચક્રવર્તીએ ઉત્તર 24 પરગણા જિલ્લામાં પાર્ટીના એક કાર્યક્રમ દરમિયાન કથિત રીતે ભડકાઉ ભાષણ આપ્યું હતું અને તેના પછી જ સમગ્ર હંગામો થયો હતો. મિથુન વિરુદ્ધ FIR પણ દાખલ કરવામાં આવી હતી. આ સાથે જો આ ભાષણની વાત કરીએ તો તેણે કથિત રીતે કહ્યું કે આજે હું એક અભિનેતા તરીકે નહીં પરંતુ 60ના દાયકાના મિથુન ચક્રવર્તી તરીકે બોલી રહ્યો છું. તેમણે કહ્યું કે રાજકારણની યુક્તિઓ મારા માટે નવી નથી કારણ કે મેં લોહીની રાજનીતિ કરી છે.
પાકિસ્તાની ડોને કહ્યું, આ વીડિયો મિથુન ચક્રવર્તીનો છે. થોડા દિવસો પહેલા તેણે કહ્યું હતું કે તે મુસ્લિમોને કાપીને દફનાવી દેશે. મિથુન સાહેબ, મારી તમને સલાહ છે કે તમારે આ બકવાસ માટે 10 થી 15 દિવસમાં માફી માંગવી જોઈએ, નહીં તો તમારે પસ્તાવું પડશે. ભટ્ટીએ વધુમાં કહ્યું કે, તમારા ચાહકો પણ મુસ્લિમ છે. મુસલમાનો તમારો આદર કરે છે અને તમે તેમના હૃદયને ઠેસ પહોંચાડી છે. અમે પણ તમારી ફ્લોપ ફિલ્મો જોવા જતા. આજે તમે જે કંઈ પણ છો આ જ કારણે છો. તમે જે ઉંમરે છો, તેમાં તમારે બકવાસ ન કરવો જોઈએ, કે પાછળથી પસ્તાવાનો વારો આવે.
બિધાનનગર પોલીસના એક વરિષ્ઠ અધિકારીએ કહ્યું, “અમે આ મામલે તપાસ શરૂ કરી દીધી છે.” ચક્રવર્તીને આ વર્ષની શરૂઆતમાં ભારતના સર્વોચ્ચ ફિલ્મ સન્માન દાદાસાહેબ ફાળકે એવોર્ડથી સન્માનિત કરવામાં આવ્યા હતા. ચક્રવર્તીએ 27 ઓક્ટોબરે કહ્યું હતું કે 2026ની વિધાનસભા ચૂંટણી પછી પશ્ચિમ બંગાળનું ‘મસનદ’ (સિંહાસન) બીજેપીનું હશે અને આ લક્ષ્ય હાંસલ કરવા માટે કંઈપણ કરવાનું વચન આપ્યું હતું.
આ પણ વાંચો :-
