આરોપીની ઓળખ થઈ ગઈ છે. આ 20 વર્ષના છોકરાનું નામ મોહમ્મદ તૈયબ ઉર્ફે ગુરફાન ખાન છે. મોહમ્મદ તૈયબને પોલીસે આજે એટલે કે મંગળવારે નોઈડા સેક્ટર 39માંથી કસ્ટડીમાં લીધો હતો.જણાવી દઈએ કે, શુક્રવારે બાંદ્રા ઈસ્ટમાં ઝીશાન સિદ્દીકીની પબ્લિક રિલેશન ઓફિસમાં કોલ આવ્યો હતો. આ ફોન પર કોઈએ ઝીશાન સિદ્દીકી અને સલમાન ખાનને ન માત્ર ધમકી આપી પરંતુ ખંડણી પણ માંગી. આ ધમકીભર્યા કોલ બાદ મુંબઈના નિર્મલ નગર પોલીસ સ્ટેશનમાં આ મામલે ફરિયાદ દાખલ કરવામાં આવી હતી.
પોલીસ સૂત્રોએ જણાવ્યું છે કે મોહમ્મદ તૈયબ દિલ્હીનો રહેવાસી છે, જેને હવે તપાસ માટે મુંબઈ લઈ જવા માટે ટ્રાન્ઝિટ રિમાન્ડ મંજૂર કરવામાં આવ્યા છે. હવે આ વ્યક્તિ તપાસ દરમિયાન ઘણા મોટા ખુલાસા કરી શકે છે. જીશાન અને સલમાન ખાનને મળી રહેલી ધમકીઓ વચ્ચે પોલીસ હવે સંપૂર્ણ રીતે સતર્ક થઈ ગઈ છે. બંનેને સુરક્ષા કવચ હેઠળ રાખવામાં આવ્યા છે. બાબા સિદ્દીકીની હત્યા બાદ આ મામલો વધુ ગંભીર બની ગયો છે.
બાબા સિદ્દીકી હત્યા કેસમાં ધરપકડ કરાયેલા આરોપીઓએ પૂછપરછ દરમિયાન જણાવ્યું હતું કે, ઝીશાન અને બાબા સિદ્દીકી બંને તેમના નિશાના પર હતા. તેઓને જે પણ મળે તેના પર ગોળીબાર કરવાનો આદેશ આપવામાં આવ્યો હતો. આ રીતે ઝીશાન સિદ્દીકી પણ આરોપીઓના નિશાના પર હતો. આરોપીએ પોલીસ પૂછપરછ દરમિયાન એ પણ જણાવ્યું કે, ઝીશાન અને બાબા સિદ્દીકીને મારવાનો કોન્ટ્રાક્ટ આપવામાં આવ્યો હતો.
સુરક્ષાના જોખમો વચ્ચે પણ સલમાન ખાન સતત કામ કરી રહ્યો છે. એક તરફ તે બિગ બોસ 18નું શૂટિંગ કરી રહ્યો છે તો બીજી તરફ ફિલ્મ સિકંદર પર પણ કામ ચાલી રહ્યું છે. દરમિયાન નવેમ્બરના પ્રથમ સપ્તાહમાં તે દબંગ ટૂર માટે દુબઈ જવા રવાના થશે. જ્યાં તેની સાથે સોનાક્ષી સિંહાથી લઈને તમન્ના ભાટિયા પણ પરફોર્મ કરશે.
આ પણ વાંચો :-
